सप्तरीको सारस्वरमा इस्लामियाँ सल्फिया द्वारा संचालित पहिलो जिल्ला स्तरीय फुटवल प्रतियोगिताको उद्घाटन

उमेश कुमार साह/सप्तरी/माघ ७ गते। सप्तरीको बोदे बर्साईन नगरपालिका वडा नम्बर ३ सारस्वरमा आयोजना गरिएको समाज कल्याण परिषद आव्बदता नम्बर ४९६१७ ,इस्लामियाँ सल्फिया द्वारा संचालित पहिलो जिल्ला स्तरीय फुटवल प्रतियोगिताको उद्घाटन भएको छ ।

आज बिहीबार देखि आयोजना गरिएको उद्घाटन खेलमा भडिया र कुशहाको बीच भिडन्त भएको आयोजक समितिले बताएका छन। बोदे बर्साईन नगरपालिकाको नगर प्रमुख आतेश कुमार सिंह को प्रमुख अतिथिमा आज बिहिवार खेलको उद्घाटन भएको हो ।

समाज कल्याण परिषद आव्बदता नम्बर ४९६१७ ,इस्लामियाँ सल्फिया द्वारा संचालित पहिलो जिल्ला स्तरीय फुटवल प्रतियोगिताको उद्घाटन खेलमा खेलकुद समितिको अध्यक्ष मोहम्मद याकुवको अध्यक्षता भएको थियो ।

उद्घाटन कार्यक्रममा बोल्दै प्रमुख अतिथि बोदे बर्साईन नगरपालिकाको नगर प्रमुख आतेश कुमार सिंह यादवले पर्यटन प्रवर्द्धनका निम्ति यो फुटबल प्रतियोगिता उपयोगसिद्ध हुने धारणा राखे । उद्घाटन कार्यक्रमको अतिथिहरुमा वडा अध्यक्ष अनोज कुमार यादव , दिगम्बर प्रसाद यादव , सुनित कुमार यादव , जयराम साह , मो मजेबुल रहमान सशस्त्र बेस क्याम्प बोदे बर्साईनको प्रमुख ,विभिन्न पार्टीका राजनैतिक कर्मी ,कर्मचारी , व्यापारी, बुद्धिजीवी,पत्रकार,महिला तथा स्थानीयको उपस्थित रहेको थियो ।

कार्यक्रमलाई उदघोषण गर्दै चन्द्रा नमूना मा बिधालयको शिक्षक जितेन्द्र प्रसाद गुप्ताले खेलाडीहरु एवं पाहुना दर्शकहरुलाई शब्दद्धारा स्वागत गरेको थियो ।

उक्त प्रतियोगिताको उद्घाटनमा माध्यमिक बिधालय सारस्वरका बिद्यार्थीहरु द्वारा दुइटै टिमका खेलाडीहरुलाई स्वागत गरेको थिए ।

आज भएको पहिलो चरणको उद्घाटन खेलमा कुशहा र भडिया बीच भएको खेलमा भडिया विरुद्ध कुशहा टिमले १ गोलले जित हात पार्न सफलभएको छ ।

यो खुल्ला फुटवल प्रतियोगितामा सहभागी हुन विभिन्न नगरपालिका,जिल्ला , प्रदेश बाट राष्ट्र तथा अन्तराष्ट्रिय स्तरका खेलाडीहरु यतीखेर माध्यमिक बिधालय सारस्वरको खेलमैदानमा देखिएका छन् ।

खेल प्रतियोगितालाई हेर्न जिल्लाका विभिन्न भाग लगायत छिमेकी जिल्लाहरुबाट समेत उल्लेखिय संख्यामा दर्शकहरुको भिडलागेको छ ।

खेलमैदान आसपास क्षेत्रमा विभिन्न भागबाट आएका मानिसहरु देशीविदेशी खेलाडीहरुको खेल हेर्न उत्सुकताका साथ जुटेको छन् ।

आयोजनक टिमलाई बोदे बर्साईन नगरपालिका वडा नम्बर ०५ शत्रुध्न चौकमा रहेको नाईमा हेल्थ केयर तथा डाइग्नोष्टिक सेन्टर प्रा लिमिटेडले मास्क र आवश्यक औसधिको व्यवस्था र सहयोग गरेको यस हेल्थ केयरको संचालक डा फियाजले बताए ।