स्रोत नखुलेको १० लाख भारुसहित दुई भारतीय नागरिक महोत्तरीबाट प क्राउ

महोत्तरी/माघ ७ गते । महोत्तरीबाट स्रोत नखुलेको भारतीय रकम र नक्कली नेपाली रुपैयाँको नोटसहित दुई जना भारतीय नागरिक प क्राउ परेका छन् । उनीहरुलाई जिल्लाको छुट्टा–छुट्टै ठाउँबाट पक्राउ गरिएको प्रहरीको भनाइ छ ।

भारतीय सीमावर्ती भिठामोडबाट झण्डै रु. १० लाख भारतीय रुपैयाँ र चार वटा भारतीय बैंकको चेकसहित एक जना प क्राउ परेका छन् । प क्राउ पर्नेमा भारतको बिहार राज्य अन्तर्गत सितामढी जिल्ला सुरसन्ड ६ बस्ने ३९ वर्षीय उदयकुमार साह छन् ।

भारतबाट नेपाल आएका उनको साथबाट रु. ९ लाख ९७ हजार ९ सय ५० भारु र एचडीएफसी बैंकको ४ थान चेक बरामद भएको महोत्तरी प्रहरीका प्रबक्ता एवं डीएसपी प्रकाश बिष्टले जानकारी दिए । उनका अनुसार चार वटै चेकमा रु. २ लाख ४० हजार रकम लेखिएको छ ।

प क्राउ परेका साहलाई आवश्यक कारवाहीका लागि राजस्व अनुसन्धान कार्यालय पथलैया बारा पठाउने तयारी भइरहेको प्रहरीले जनाएको छ ।

यस्तै, मटिहानी नगरपालिका ३ स्थित एक पेट्रोल पम्पमा आएका एक जना भारतीय नागरिकलाई रु. २ हजार नक्कली नेपाली नोटसहित प क्राउ गरिएको छ ।