सिरहामा इनारमा डुवेर किशोरको मृत्यु प्रकरणमा तीन जना पक्राउ

सिरहा/कार्तिक ३ गते। सिरहामा दशैंको अवसरमा आयोजित झिझिया नाँच हेर्न गएका गोलबजार नपा ८ भाइजिटोलका भुनेश्वर महतोको १७ वर्षिय छोरा सत्रुधन महतोको सिरहाकै नरहा गापा ३ नयाँ चोहर्वाको इनारमा डुवेर मृत्यु भएको प्रकरणमा प्रहरीले तीनजनालाई नियन्त्रणमा लिएको छ।

अनुसन्धान जारी रहेको भन्दै इलाका प्रहरी कार्यालय मिर्चैयाले पक्राउ परेकाहरुको नाम भने सार्वजनिक गर्न चाहेनन् । इप्रका मिर्चैयाका प्रमुख डिएसपी राजेन्द्र श्रेष्ठले घटनाको विषयमा अनुसन्धान भईरहेको र दशैंको कारण अदालत बन्द रहेकाले केही प्रक्रिया पुर्याउनु पर्ने र अनुसन्धान अधुरो रहेकोले अहिल्यै नाम सार्वजनिक गर्न नसकिने बताए । उनले चाँडै घटनाको विषयमा र पक्राउ परेकाहरुलाई सार्वजनिक गर्ने जनाए ।

गत शुक्रवार राती झिझिया नाचमा युवाहरुको दुई समूहविच झडप हुँदा भागदौड मच्चिदा नजिकै रहेको इनामार चारजना झरेका थिए । तत्का प्रहरी र स्थानीयले तीन जनाको उद्धार गरेपनि महतोभने इनारमै डुवेका थिए । उनको शव शनिवार विहानमात्र स्थानीयले देखेपछि प्रहरीलाई जानकारी गराएका थिए ।उनी गाउँकै जनता नमुना माध्यमिक विद्यालयका कक्षा ११ मा अध्ययरत थिए ।

साभार-गमक पोस्ट अनलाईन बाट