विहे गर्छु भनि प्रलोभनमा पारी किशोरीलाई गर्भवती बनाई फरार भएका एक युवक पक्राउ,कडा कारबाहीको माग

जनकपुरधाम/भदौ १६ गते ।धनुषामा प्रेम सम्बन्ध राखी २० वर्षीया युवतीलाई गर्भवती बनाएर फरार प्रेमी २२ महिनापछि पक्राउ परेका छन् ।

धनुषाको क्षिरेश्वरनाथ नगरपालिका ५ महेन्द्रनगर बस्ने २० वर्षीय शिवराज श्रेष्ठ पक्राउ परेका हुन् ।

महोत्तरीको जलेश्वर–११ बस्ने २० वर्षीया युवतीलाई विवाह गर्ने प्रलोभन देखाएर डेढ वर्षदेखि शारिरीक सम्बन्ध राखेका थिए । युवतीको गर्भमा ४ शिशु रहेको थाहा पाएपछि युवक श्रेष्ठ फरार थिए ।

जिल्ला प्रहरी कार्यालय धनुषामा पीडित युवतीले आरोपित श्रेष्ठविरुद्ध माघ १९ गते जिल्ला प्रहरी कार्यालय धनुषामा दिएको उजुरी प्रहरीले दर्ता गर्न नमाने पछि इन्सेक धनुषा जिल्ला प्रतिनिधि दिपेन्द्र प्रसाद सिंहले प्रदेश २ सरकारका मुख्यन्यायधिवक्ता कार्यालय जनकपुरका निःशुल्क कानुनी सहायता अधिकृत रिंकु कुमारी यादवको सहायता लिएर उजुरी दर्ता गराइएको थियो ।

पीडितले इन्सेक धनुषा प्रतिनिधी सिंहलाई भेटेर ०७६ फागुन १३ गते निवेदनसहित न्याय दिलाउन पहल गरिदिनु हुन आग्रह गरेपछि इन्सेक प्रतिनिधीको पहलमा चैत ३ गते उजुरी दर्ता गरिएको थियो ।

पीडित युवतीको चैत ३ गते प्रादेशिक अस्पताल जनकपुरधाममा स्वास्थ्य परीक्षण गरिएको थियो । तत्कालिन समयमा पीडित युवती १६ हप्ताको गर्भवती रहेको अस्पतालको रिर्पोटमा उल्लेख छ ।

ती युवतीले ५ भदौ २०७७ मा छोरा जन्माएकी थिइन् । युवतीले गर्भवती भएको थाहा पाएपनि आफुले बच्चा जन्माउने अठोट लिएकी थिइन् । र न्यायका लागि निरन्तर संघर्ष गर्दै आएकी छन् । उनको छोरा अहिले एकवर्षका छन् । ती युवतीले आफुलाई गर्भ बोकाएर बिचल्लीमा पारेर फरार युवक श्रेष्ठलाई कडा कारबाही हुनुपर्ने माग गरेकी छन् ।

तस्बीर : एसपीखबर