सप्तरीको बोदे बर्साईनमा नगर शिक्षा समिति बोदे बर्साईन द्वारा विद्यालय अनुगमन

उमेश कुमार साह/सप्तरी,फागुन २४ गते।सप्तरीको बोदे बर्साईन नगरपालिका नगर शिक्षा समिति द्ववरा वडा नम्बर-८ काचनमा रहेका दुई सामुदायिक र दुई वटा निजी विद्यालयहरुको अनुगमन गरेकाछन् ।

विद्यालयहरुमा नियमित अनुगमन नहुदाँ शिक्षाको गुणस्तर खस्कदै गएको जनगुनासो आउन थालेपछि अनुगमन गरेको र नियमित अनुगमन गरि रहने बोदे बर्साईन नगरपालिका नगर प्रमुख आतेश कुमार सिंह यादवले बताएका छन् ।

अनुगमनको क्रममा रा.प्रा.वि बैरयाहीमा विध्यार्थीहरूको उपस्थिति संख्या कदम न्युन पाएको तथा विभिन्न हाजिरी गरि शिक्षक विध्यालय छाडि गएको , विदा नै नलिई विध्यालय नआएको निजी विध्यालय तर्फ विध्यार्थी सङ्ख्या अनुसार शिक्षकहरू नराखेको जस्ता समस्या फेलापारेको नगर शिक्षा समितिले तैयार पार्ने अनुगमन प्रतिवेदन अनुसार विध्यालयमा सुधार गर्ने निर्देशन दिएको नगर शिक्षा अधिकृत रामसागर यादवले बताउनुभयो ।

यसअघि वडा नम्बर- १० का विध्यालयहरूमा अनुगमन गरेका थियोे । अनुगमनलाई निरन्तरता दिने बोदे बर्साईन नगरपालिका नगर शिक्षा अधिकृत रामसागर यादवको भनाई रहेको छ ।आज भएको अनुगमन टोलिमा नगर प्रमुख आतेश कुमार सिंह यादव,वडा नम्बर-५ का वडा अध्यक्ष मजिवुर रहमान,वडा नम्बर-६ का वडा अध्यक्ष तपसि यादव, नगर शिक्षा समितिका सदस्य सचिव नगर शिक्षा अधिकृत रामसागर यादव , पत्रकार लोकेन्द्र प्रसाद यादवको सहभागीता थियो ।