काठमाडौँ।कोरोनाको १० लाख डोज खोप नेपाल आइपुगेको छ।भारत सरकारले नेपाललाई अनुदानस्वरुप दिएको कोरोना विरुद्दको १० लाख डोज खोप बिहीवार त्रिभुवन अन्तर्राष्ट्रिय विमानस्थलमार्फत नेपाल भित्रिएको हो । नेपालका लागि भारतीय राजदुत विनयमोहन क्वात्राले स्वास्थ्य तथा जनसंख्यामन्त्री हृदयेश त्रिपाठीलाई त्रिभुवन अन्तर्राष्ट्रिय विमानस्थलमा कोरोनाविरुद्दको खोप हस्तान्तरण गरेका हुन् ।
पहिलो चरणमा स्वास्थ्यकर्मी, चिकित्साकर्मी, सरसफाईकर्मी, अग्रपंक्तिमा खटिने सुरक्षाकर्मी लगायतलाई प्राथमिकतामा राखेर खोप दिईने मन्त्री त्रिपाठीको भनाइ छ । अन्य प्राथमिकताको जनसंख्यालाई पनि खोप दिइने उनले बताए ।
सरकारले आधारभुत जनसंख्याको लागि नि:शुल्क रुपमा खोप उपलब्ध गराउने मन्त्री त्रिपाठीले बताए । नेपालमा थप ४० लाख खोप आवश्यक रहेको भन्दै उनले पहिलो चरणको खोप अभियान अन्त्य हुनुअगावै ल्याइसक्नुपर्ने अवस्था रहेको उनको भनाइ छ।
भारतले नेपाललाई उपहारस्वरुप दिएको १० लाख डोज कोरोनाविरुद्धको खोप हस्तान्तरण गरिएको छ ।
भारतले दिएको कोरोना विरुद्धको खोप बिहीवार बिहान काठमाडौं आइपुगेको थियो ।
बिहीवार दिउँसो प्रधानमन्त्री निवास बालुवाटारमा आयोजित एक कार्यक्रमकाबीच भारतका लागि नेपाली राजदूत विनयमोहन क्वात्राले प्रधानमन्त्री केपी शर्मा ओलीलाई हस्तान्तरण गरेका हुन् ।
भारतले नेपाललाई अनुदानमा खोप दिने भनिएपनि कति परिमाणमा दिने भन्ने निक्र्योल भएको थिएन् । बुधवार स्वास्थ्य तथा जनसंख्या मन्त्रालयमा आयोजित पत्रकार सम्मेलनका क्रममा स्वास्थ्य मन्त्री हृदेयश त्रिपाठीले भारतले १० लाख डोज कोरोनाविरुद्धको खोप उपलब्ध गराउन लागेको जानकारी गराएका थिए ।
Discussion about this post