जसपा नेपालले प्रतिनिधिसभा विघटनको विरोधमा थप जनआन्दोलनका कार्यक्रम सार्वजनिक, केन्द्रीय नेताहरु को कहाँ–कहाँ बाट नेतृत्व गर्ने (हेर्नुहोस परिपत्र सहित)

उमेश कुमार साह,सप्तरी।जनता समाजवादी पार्टी (जसपा) नेपालले प्रतिनिधिसभा विघटनको विरोधमा थप जनआन्दोलनका कार्यक्रम सार्वजनिक गरेको छ ।

पार्टीले सोमवार विज्ञप्ति जारी गर्दै संघर्ष र बलिदानद्वारा प्राप्त उपलब्धीहरुको रक्षा गर्न, सरकारले चालेको असंवैधानिक, अलोकतान्त्रिक र प्रतिगमनकारी कदमलाई खारेज गराउन देशव्यापी रुपमा सशक्त जनसंघर्षका कार्यक्रम सार्वजनिक गरेको हो ।

पौष २५ गतेदेखि एक सातासम्म केन्द्रीय नेताहरुले सहभागी भएर देशका प्रमुख शहरमा सशक्त जनआन्दोलन एवं जनसघर्षलाई अगाडी बढाउने जनाइएको छ ।

आन्दोलनका कार्यक्रमअनुसार पौष २५ गते विराटनगर, धनगढी र भैरहवामा, पौष २७ गते विरगन्ज, नेपालगन्ज र जनकपुरमा, पौष २९ गते पोखरा, सुर्खेत र बिर्तामोडमा तथा माघ ३ गते धरान, मलंगवा, सिरहा, कलैया र तौलिहवामा सडकमा उत्रने भएको छ ।

त्यसैगरी माघ ७ गते सवै जिल्लाका सदरमुकामसहित प्रमुख सबै सहरमा जनप्रदर्शन तथा विरोध सभा गरिने छ भने पौष २१ गतेमा नागरिक समाज, वौद्धिक वर्ग लगायतसँग प्रतिनिधिसभाको विघटनको सन्दर्भमा बृहत् अन्तक्रिया गर्ने तालिका रहेको छ