संसद विघटन विरुद्ध जनता समाजवादी पार्टी नेपालले सप्तरीको राजविराज सहित देशैभरिमा बिरोध प्रदर्शन

उमेश कुमार साह,राजविराज। संसद विघटन विरुद्ध जनता समाजवादी पार्टी नेपालले कडा सुरक्षाका बीच सप्तरीको राजविराज सहित देशैभरिका सदरमुकामहरुमा बुधबार (आज) वृहत विरोध प्रदर्शन गरेको छ ।

पार्टीको सोमवार सम्पन्न आकस्मिक बैठकले गरेको निर्णय अनुसार देशैभरी प्रधानमन्त्रीको सिफारिसमा राष्ट्रपतिद्वारा गरिएको प्रतिनिधि सभा बिघटन विरुद्ध प्रदर्शन गरिएको हो । राष्ट्रपति विद्यादेवी भण्डारी र प्रधानमन्त्री केपी शर्मा ओली विरुद्ध र्यालीका सहभागीहरुले नाराबाजी गरेका छन् ।

यसैक्रममा संसद पुनस्र्थापनाको माग गर्दै राजविराज स्थित शिव मन्दिर प्राङ्गणबाट निकालिएका र्याली राजविराजको गजेन्द्र चौक, शहिद चौकसहित नगर परिक्रमा गरेको छ । नगर परिक्रमा पश्चात पार्टीका जिल्ला अध्यक्ष केदार यादवको अध्यक्षतामा आयोजित विरोध सभालाई पार्टीका केन्द्रीय तथा प्रदेश नेताहरुले सम्बोधन गरेका छन् ।
जुलुस प्रदर्शनका क्रममा सशस्त्र तथा नेपाल प्रहरीको टोलीले कडा सुरक्षा दिएका छन् । यद्यपी सुरक्षाकर्मीहरुले भने कार्यक्रममा अवरोध नपुर्याएको पार्टीका युवा नेता लक्ष्मण यादवले जानकारी दिएका छन् ।

पार्टीको सोमवार सम्पन्न आकस्मिक बैठकले गरेको निर्णय अनुसार देशैभरी प्रधानमन्त्रीको सिफारिसमा राष्ट्रपतिद्वारा गरिएको प्रतिनिधिसभाको बिघटन विरुद्ध प्रदर्शन गरिएको हो । राष्ट्रपति विद्यादेवी भण्डारी र प्रधानमन्त्री केपी शर्मा ओली विरुद्ध र्यालीका सहभागीहरुले नाराबाजी गरेका छन् ।
यसैक्रममा संसद पुनस्र्थापनाको माग गर्दै राजविराज स्थित शिव मन्दिर प्राङ्गणबाट निकालिएका र्याली राजविराजको गजेन्द्र चौक, शहिद चौकसहित नगर परिक्रमा गरेको छ । नगर परिक्रमा पश्चात गजेन्द्र चौकमा आयोजना गरेको विरोध सभालाई पार्टीका केन्द्रीय कार्यसमिति सदस्य रेणु यादव , संधिय सांसद चन्द्रकान्त चौधरी , प्रदेश सभा सदस्य ,नेत्रविक्रम शाह , विद्यार्थीका केन्दीय अध्यक्ष किसोर कुमार यादव सहितका नेताहरुले सम्बोधन गरेका छन् ।