जनकपुरधाम।जनकपुरमा आज धुमधामसंग विवाहपञ्चमी महोत्सव मनाइएको छ।आज दिउँसो बाह्रविघा मैदानमा राम र सीताको डोलाफेर गरी स्वयम्बर गरिएको छ।
अनि साँझ ६ बजे देखि जानकी मन्दिर प्रांगणमा विवाहको काज सुरु भएको छ ।गत वर्षको तुलनामा यसपटक श्रद्धालुभक्तजनको सहभागिता कम रहे पनि आस्था एवं श्रद्धाको महापर्व विवाहपञ्चमीमा सहभागि हुन हजारौंको संख्यामा तीर्थ यात्री सहभागि भएका छन् ।
दिउँसो सोयम्बर हेर्न बाह्रविघाममा श्रद्धालुको घुइँचो लागेको थियो भने जानकी मन्दिरमा विहानैदेखि भक्तजनको भीड लागेको छ ।भोलि रामकलेवा गरी विवाहपञ्चमी विधिवत सम्पन्न हुने जानकी मन्दिरमा महन्त रामतपेश्वर दासले बताए ।
Discussion about this post