विसनपुर–बोदे बरसाईन–स्वर्णपट्टी सडक खण्डको ठाउँ–ठाउँमा गरेको अतिक्रमणका कारण दुर्घटना बढेपछि नगरपालिका र प्रहरी प्रशासन द्वारा खाली गराउने कार्य सुरु(फोटो फिचर)

उमेश कुमार साह,सप्तरी।स्थानीयहरुले सप्तरीस्थित विसनपुर–बोदे बरसाईन–स्वर्णपट्टी सडक खण्डको ठाउँ–ठाउँमा गरेको अतिक्रमणका कारण दुर्घटना बढेपछि स्थानीय सरकार र प्रहरी प्रशासन तातेको छ ।नगरपालिकाको कर्मचारीहरु, पत्रकार उमेश कुमार साह र लोकेन्द्र प्रसाद यादव समेतको सहयोगमा बोदे बर्साईन नगरपालिका अन्तरगत पर्ने वार्ड न २,३,५,७,९ र १० सडकमा रहेको निर्माण सामाग्री लगायत सम्पुर्ण थुपारेको समानहरु र फोहरहरु डोजर खटाएर सडक खाँली गर्ने कार्य थालेको हो ।

सडक छेउमा स्थानीयहरुले निर्माण सामाग्री, पराल लगायतका सामाग्रीहरु थुपारेकाले सो सडकमा अत्यधिक दुर्घटना हुने गरेको छ ।दुर्घटनालाई मध्यनजर गर्दै सडक छेउमा थुपारिएका सामाग्रीहरु उठाउन स्थानीयहरुलाई पटक पटक आग्रह गर्दा पनि हटेर गरेपछि नगरपालिकाले डोजर खटाएर सडक खाँली गर्ने कार्य थालेको हो ।

‘विसनपुर–बोदे बरसाईन–स्वर्णपट्टी सडक खण्डको विभिन्न स्थानमा स्थानीयहरुले सडक छेउमै निर्माण सामाग्रीसहित सामाग्रीहरु थुपारेका छन्, जसका कारण सडक साँघुरो भएर अलि बढी दुर्घटना हुने गर्छन्’ बोदे बरसाईन नगरपालिकाका मेयर आतेशकुमार सिंह यादवले भने–‘ती सामाग्रीहरु हटाउन हामीले पटक पटक आग्रहसहितका सूचना जारी गरेपनि सडक खाँली नै भएन, बाध्य भएर डोजर खटाएर सडक खाँली गर्ने कार्य सुरु गर्नु पर्यौ ।’

सप्तरीको विष्णपुर स्वर्णपट्टी सडक खण्डको बोदेबरसाईनको सिमा अन्तर्गतका सडक अतिक्रमण गरी दुवैतिर थुपारिएको बालुवा, गिट्टी, गोबर, पराल एवं अन्य बस्तुहरुलाई शुक्रवार खाली गरिएका छन् ।
बोदेबरसाईन नपाको पहलमा, इलाका प्रहरी कार्यालय बरसाईनका प्रमुख प्र.ना.नि अयोध्या शरण यादव नेतृत्वको प्रहरी जवान शसस्त्र वेश क्याम्प बोदेबरसाईनका प्रमुख उत्सव विष्टको कमाण्डमा खटिएका टोली, ट्राफिक प्रहरी पोष्ट र नगरपालिकाको कर्मचारीहरु, पत्रकार उमेश कुमार साह र लोकेन्द्र प्रसाद यादव समेतको सहयोगमा बोदे बर्साईन बरसाईनका टोली लगायतको अथक प्रयासमा सो सडक खाली गर्ने कार्य भएको हो । खाली गर्ने क्रममा अब उपरान्त सडकमा कुनै पनि बस्तुहरु नथुपार्न पनि कडा चेतावनी समेत दिएका छन् ।
विसनपुर–स्वर्णपट्टी सडक खण्ड निर्माण हुदै बेलादेखि सडकको दुवै पट्टी जथाभावी बस्तुहरु थुपारिएर राख्नाले सवारी साधनहरु गुडन अप्ठयारो हुने भएको हुदाँ नपाले पटक–पटक सो सडक खाली गर्न सूचना दिएपनि अतिक्रमण गरिएका सम्बन्धित ब्यक्तिहरु आनाकानी गर्दै आएकोले सो सडक खाली गर्न यो अभियान चलाएको हो । खाली गर्न बाकी रहेका अन्य स्थानहरुमा भोली ८ बजे देखि पूनः सोही टोलीले खाली गर्ने कार्य गरिने प्र.ना.नि यादवले जानकारी गराए ।