संजय यादव, सिरहा।सिरहामा गाँउ ब्लोक जग्गाको जग्गा धनी दर्ता पुर्जा बितरण भईरहेको छ । नरहा गाँउपालिकामा सदियौ देखि गाँउ ब्लोक रहदै आएको जग्गा जग्गा धनीले पाउने भएका छन् । वार्ड नं २ र ३ का १ सय ६५ घरधूरीले जग्गा धनी दर्ता प्रमाण पुर्जा पाएको भूमी अधिकार मंच सिरहाका कार्यक्रम संयोजक अरुण सदाले बताए । भूमी अधिकार मंच सिरहाको सहजीकरण र नापी कार्यालय सिरहाको आयोजनामा भएको जग्गा धनी दर्ता प्रमाण पुर्जा बितरण कार्यक्रममा सिरहा जिल्ला प्रमुख अधिकारी प्रदीपराज कणेल, नरहा गाँउपालिका अध्यक्ष रामशरण यादव, नापी कार्यालय सिरहाका प्रमुख ग्रीशचन्द्र लाल कर्ण र भूमी अधिकार मंच सिरहाका कार्यक्रम संयोजक अरुण सदाले संयुक्त रुपमा जग्गा धनी प्रमाण पुर्जा बितरण गर्दै कार्यक्रम शुरु भयो । सदियौ देखि गाँउ ब्लोक जग्गा रहदै आएकोमा जग्गा धनी दर्ता प्रमाण पुर्जा पाएपछि स्थानियहरु खुशीले गदगद भएका छन् । नरहा वार्ड नं २ का सरिता देवी यादवले जग्गा धनी दर्ता प्रमाण पुर्जा पाएपछि जग्गाको मालिक भएपछि निकै नै खुशी छु र मंचका संयोजक अरुण सदालाई धन्यवाद ज्ञापन गरिन् ।
२०७०।०७१ सालमा नापी भएको गाँउ ब्लोक जग्गा प्रकृया पुर्याउदै हाल प्रमाण पुर्जा पाँउदा स्थानियहरुसंगै आफु पनि भित्रै देखि निकै नै खुशी महसुुस गरीरहेको मंचका पूर्णकालिन अभियन्ता समस्तीलाल आलेले बताए । मंचका संयोजक सदाले भने, गाँउ ब्लोक जग्गा नापी भई जग्गा धनी प्रमाण पुर्जा बितरण गर्दा निकै नै खुशी र सपना सकार भएको जस्तो महसुस भईरहेको बताए ।
यता नापी कार्यालय प्रमुख कर्णले जग्गा धनी दर्ता प्रमाण पुर्जा पाएका धनीहरुले ६० दिन सम्म धितो वा अन्य कारोवार गर्न नमिल्ने किनकी ६० दिन सम्म प्रकृयामै रहने र त्यस पश्चात अन्य सबै कारोवार गर्न सक्ने बताए ।
यसरी नै लहान नगरपालिका वार्ड नं १५ र २२ मा ७ सय २० घरधूरी प्रमाण पुर्जा पाईसकेको र यस पछि बेतौना, बलही, अर्नमाको महनौरमा बितरण गर्ने कार्यक्रम रहेको कार्यक्रम संयोजक सदाले बताए ।
Discussion about this post