वडा अध्यक्ष कामतीद्धारा अछुत ब्यबहार उपाध्यक्ष : उचित महरा

संजय यादव,गोलबजार, सिरहा।सिरहामा चमार कल्याण समाज नेपालद्धारा पूर्ण अपाङ्ग असक्त युवालाई आर्थिक सहयोग गरी उदाहरणीय काम गरेको छ । गोलबजार नगरपालिका वार्ड नं. ९, आवासनगर डण्डाटोलका पूर्ण अपाङ्ग असक्त युवा संजय कुमार महरालाई नगद १६ हजार ४ सय ७० रुपैया र एउटा पाठो एक कार्यक्रमका बीच आर्थिक सहयोग गरेको चमार कल्याण समाज नेपालका केन्द्रीय उपाध्यक्ष उचित महराले बताए ।

संस्थाको केन्द्रीय उपाध्यक्ष महराले आफुहरु दलित भएकै कारण गोलबजार नगरपालिका वार्ड नं ९ का वडा अध्यक्ष रामपुकार कामतीले अछुत ब्यबहार गरी बेवास्ता गरेको बताए । उपाध्यक्ष महराले भने, वडा अध्यक्ष कामतीलाई पूर्व जानकारी समेत गराएको र पटक पटक फोन गर्दा पनि आँउदैछु, कुनै बेला आईपुगे भन्दा भन्दै अन्त्य सम्म नआएपछि कार्यक्रमको स्वरुप परिबर्तन गर्दै शुरुवात गरी समापन्न भएको भन्दै वडा अध्यक्ष कामती प्रती दुखेसो ब्यक्त गर्दै आक्रोस पोखे ।

वडा अध्यक्ष कामती कै गाँउठाँउमा कार्यक्रम हुनु र वडा अध्यक्ष कामतीको उपस्थिती नहुनु र अपाङ्ग निसहाय, जोकोहीले देखेपछि दाया र माया लागेर आउने तर वडा अध्यक्ष कामतीले महरासंग केही भलाकुसारी तथा सहयोग नगरेको प्रती वडा अध्यक्ष कामै नलाग्ने क्रुर वडा अध्यक्ष पाएको बताउँछन् समुदायका स्थानिय बासिन्दाहरु । वडा कार्यालयकै सहकार्यमा गर्न लागेको कार्यक्रममा वडा अध्यक्षलेनै बिभेद गरेपछि निकै नै दुखित भएको उपाध्यक्ष महराले बताए ।

५ बर्ष पहिले १८ बर्षकै उमेरमा बैदेशिक रोजगारको लागि कतार गएपिछ गएको ६ महिनामै बिरामी परी कतार कै एक सरकारी अस्पतालमा भर्ना गराएको र राम्ररी उपचार र रेखदेख नभएपछि दुबै हात र दुईटै खुट्टा नै काटने अबस्था आएपछि काटिएको अस्पताल स्रोतलाई उद्धत गर्दै संस्थाका एक जना पदाधिकारीले जानकारी दिए । उनले भने, बिरामी महरा लामो समय अचेत नै रहदा केही थाहा पाउन सकेनन् र अन्त्यमा कसैगरी नेपाल फर्काईयो । अपाङ्ग महराको पारिवारिक स्रोतले दिएको जानकारी अनुसार घर फर्केपछि भएभरको सबै सम्पती बेचेर नर्भिक अस्पताल काठमाडौंमा उपचार गराए र आर्थिक आभावकै कारण पूर्ण उपचार हुननसकेको गुनासो पोखे । संस्थाको सुरेन्द्र महरा र किशोरी महराको बिशेष पहलमा सौदी अरेबियामा रहेका नेपाली कामदारहरुबाट आर्थिक संकलन गरी सहयोग पठाएको उपाध्यक्ष महराले बताए ।

सैनी रामको अध्यक्षतामा भएको कार्यक्रमको संचालन संस्थाका उपाध्यक्ष उचित महरा तथा अतिथिहरुमा राजेश बिद्रोही, सुरेन्द्र महरा, बिजय साह, अर्जुन महरा लगायतको उपस्थिती रहेको बताए । उपाध्यक्ष महराले भने, संस्था मार्फत अपाङ्ग महराको लागि थप सहयोगको पहल जारी रहने र कृतिम हातखुट्टाको बन्दोबस्त गर्न देशबिदेशबाट समेत सहयोग जुटाउने काममा लागि परेको प्रतिबद्धता जाहेर गरे ।

संस्थाका उपाध्यक्ष उचित महरा तथा अतिथिहरुमा राजेश बिद्रोही, सुरेन्द्र महरा, बिजय साह, अर्जुन महरा लगायतको उपस्थिती रहेको बताए । उपाध्यक्ष महराले भने, संस्था मार्फत अपाङ्ग महराको लागि थप सहयोगको पहल जारी रहने र कृतिम हातखुट्टाको बन्दोबस्त गर्न देशबिदेशबाट समेत सहयोग जुटाउने काममा लागि परेको प्रतिबद्धता जाहेर गरे ।