सिरहा।सिरहामा हिजो थप २४ जनामा कोरोना संक्रमणको पुष्टि भएको छ।बुधवार राति गरिएको स्वाब परिक्षणमा इलाका प्रहरी कार्यालय गोलबजारका १० प्रहरी र ४ जना सर्वसाधारणमा संक्रमण पुष्टि भएको हो ।
कन्ट्याक्ट ट्रेसिङकै आधारमा सिरहा नपा माडरमा पनि १ जना प्रहरीसहित ९ जनामा कोरोना संक्रमण पुष्टि भएको छ । नरहा गाउँपालिकाको क्वारेन्टाइनमा रहेका एक जनाको कोरोना रिपोर्ट पोजेटिभ आएको जिल्ला स्वास्थ्य कार्यालयले जनाएको छ ।संक्रमित हुनेमा ४ महिला र २० जना पुरुषहरू रहेका छन् । योसँगै सिरहामा संक्रमितको संख्या २ सय ९८ पुगेको छ ।
Discussion about this post