सिरहा, ४ साउन । सिरहाको गोलबजारमा एक महिलाको शंकास्पद मृत्यु भएको छ । गोलबजार नपा– ४ का रामकृष्ण महतोकी २५ वर्षीया श्रीमती सुलेखादेवी महतोको शङ्कास्पद मृ त्यु भएको हो ।
घरमा श्रीमतीको मृत्यु भएपछि रामकृष्ण घटनाबारे जानकारी गराउन ससुराल पुगेका थिए । ससुरालबाट फर्केपछि मात्र उनले प्रहरीलाई खबर गरेको बताइएको छ । घरमै पासो लगाएर मृत भेटिएकी श्रीमतीको पासो खोलेर उनी ससुराल गएको बताइएको छ । छरछिमेकले पनि घटनाबारे धेरैबेर पछिमात्र थाहा पाएका थिए ।
अघिल्लो दिन मोबाइलको विषयमा श्रीमान श्रीमतीबीच झगडा परेको रामकृष्णले बताएका छन् । अघिल्लो दिन झगडा हुनु र भोलिपल्टै मृत्यु हुनुले घटना शंकास्पद देखिएको बताइएको छ । इलाका प्रहरी कार्यालय गोलबजारले भने घटनाबारे पोष्टमार्टम रिपोर्ट पछि मात्र केही भन्न सकिने बताएको छ ।
Discussion about this post