वीरगञ्ज/श्रावण १ गते। लिफ्ट दिने नाममा महिलालाई बन्धक बनाएर कर णी गरेको आरोपमा दुई जना पक्राउ परेका छन् । घटनामा संलग्न भएको आरोप लागेका दुई जनाको खोजी भइरहेको छ ।
जिल्ला प्रहरी कार्यालय, पर्साका प्रवक्ता प्रहरी नायब उपरीक्षक ओम प्रकाश खनालका अनुसार वीरगञ्ज–२१ बस्ने सुनील महतो र पोखरिया नगरापलिका– ६ बस्ने २५ वर्षीय शिवबालक महतो पक्राउ परेका हुन् । दुबै ट्रक चालक हुन् । उनीहरुविरुद्ध पर्सा जिल्ला अदालतबाट ७ दिनको म्याद थप गरी अनुसन्धान थालिएको उनले बताए ।
सानै उमेरमा विवाह गरेर २ वर्षको छोराको आमा बनेकी १९ वर्षकी किशोरी काठमाडौवाट वुटवल जान चाहिन्थन् । उनीसंग २ वर्षका छोरा पनि थिए । निषेधाज्ञाका कारण सवारी साधन नचलेका कारण उनी एउटा ट्रकमा लिफ्ट मागेर वुटवल जाँदै गर्दा उनलाई ४ जनाले ट्रकमै कर णी गरेका छन् ।
असार २७ गते रुकुमकी १९ वर्षीया युवतीलाई ४ जनाले कर णी गरेका हुन् । निषेधाज्ञाका कारण उनी काठमाडौमा काम विहिन भएर बुटवल काम खोज्न जान लागेकी थिइन् । पुरानो काम गरेकै ठाउँमा जान लागेकी उनले आफ्नो जिवनमा यस्तो ठूलो घटना होला भन्ने कल्पना गरेकी थिइनन् । ना ५ ख २८७० नम्बरको ट्रकका चालक सुनिल महतोले उनलाई लिफ्ट त दिए तर नियत भने राम्रो राखेनन् । नारायणघाटसम्म लगिदिने भनेका सुनिलसंग मुग्लिन नारायणघाट सडकमा पहिरोका कारण उनीहरू जाममा परेपछि दुई दिन वाटोमै बस्नुपरेको थियो । त्यो बेला उनले कर णी गरे ।
जाम खुलेपछि उनले आफ्ना अर्का साथी ना ६ ख ३३६९ नम्बरको ट्रक चालकको जिम्मा लगाए । आफुले उनलाई के गरे? भन्ने कुरा पनि सुनाइदिए । शिववालकले ती किशोरीलाई बुटवल लैजान्छु भनेर झुक्याएर वीरगञ्जतर्फ लगे। उनले जंगलमा लगेर युवतीलाई कर णी गरे ।
शिववालकसँगै रहेका २७ वर्षीय सहचालक इन्दल चौहानले पनि उनलाई छोडेनन् । ट्रकमा अर्का एक यात्रु पनि थिए । ति ४० वर्षीय भोला भन्ने यात्रुले पनि ड्राइपोर्ट परवानीपुर सडक खण्ड बीच बाटोमा कर णी गरे । वुटवल लैजाने भनेर उनीहरुले बुधबार साँझ ५ बजे वीरगञ्ज महानगरपालिका वडा नम्बर १७ स्थित ड्राइपोर्टमा ट्रकवाट झारीदिए ।
अलपत्र अवस्थामा प्रहरीले उनलाई उद्दार गरेर एक संस्थाको जिम्मा लगाएको छ । स्वास्थ्य परिक्षण गरिएको प्रहरीले जनाएको छ । उनका छोरापनि संगै छन् । प्रहरीले घटनामा संलग्न २ जनालाई पक्राउ गरेको छ । ट्रकका सहचालक र अर्का भोला भन्ने यात्रु फेला परेका छैनन् ।
Discussion about this post