धनुषा,जेठ १८ गते।धनुषाको सबैला नगरपालिका ४ मा विकास निर्माणको विषयलाई लिएर दुई पक्षबीच भएको झडपमा घाईते भएक महिलाको ज्यान गएको छ।ज्यान जाने स्थानीय चन्दर विराजीकी ४५ वर्षीय श्रीमती सुमित्रादेवी यादव छन् ।
झड्प यहि वैशाख २३ गते भएको थियो । झडपमा गम्भीर घाईते सुमित्राको तत्कालै उपचारका लागि जनकपुरस्थित प्रादेशिक अस्पताल ल्याएपनि सम्भव भएन । त्यसपछि थप उपचारका लागि विराटनगरस्थित नोबेल अस्पताल लगियो । त्यहाँ उपचारकै क्रममा उनको ज्यान गएको हो ।
सडकमा पिसिसि ढलानका लागि नगरपालिकाले बजेट उपलब्ध गराएको थियो । तर सडक साँघुरो रहेका कारण फराकिलो पार्ने क्रममा विवाद भयो । सोही विवाद उग्ररुप लिएपछि दुई पक्षबीच झडप भएको थियो । झडप गरेका दुबै पक्ष नेकपा एमालेकै भएको बुझिएको छ ।झडपमा घाईते महिलाको ज्यान गएपछि आफ्न्तले ईलाका प्रहरी कार्यालय सबैलामा निवेदन दिएको छ । किटानी जाहेरी भने प्रहरीले लिन नमानेको पीडित परिवारको आरोप छ । प्रहरीले भने घटनाको अनुसन्धान भइरहेको जनाएको छ ।
Discussion about this post