गिरिजानन्द साह/जनकपुरधाम/असोज २३ गते। जनकपुरधाम जेसिजले नगराइन स्थिति श्री राजेश्वर निधि सकेन्ड्री स्कुलमा लागुऔषध विरुद्ध सचेतनात्मक कार्यक्रम गरेको छ । उक्त कार्यक्रमको संयोजक जेसि राजेश ठाकुर रहेको थियो।
जनकपुरधाम जेसिजले आयोजना गरेको जेसिज सप्ताहको अन्तर्गत बिहीबार लागुऔषध विरुद्ध सचेतनात्मक कार्यक्रम गरिएको हो । जेसिज सप्ताह २०२६ को मुल आयोजक समितिको अध्यक्ष राम सोगारथ साह ले बताए अनुसार कार्यक्रमको उद्देश्य विद्यार्थीहरूलाई लागुऔषधका हानिकारक प्रभाव र यसले युवाको भविष्यमा पार्ने नकारात्मक असरबारे जानकारी गराउनु रहेको थियो। कार्यक्रममा सहभागी विद्यार्थीहरूलाई लागुऔषधबाट टाढा रहन, स्वस्थ जीवनशैली अपनाउन र समाजमा सकारात्मक सन्देश फैलाउन आग्रह गरिएको थियो।
कार्यक्रमको प्रमुख अतिथी नगराईन नगरपालिका वडा न.- २ को वडा अध्यक्ष रामपरी देवी रहेको थियो। वहाँले कार्यक्रमको उदघाटन गर्दै जेसिजले आयोजना गरेको कार्यक्रमको प्रसंसा गर्दै विद्यार्थीकै भविष्य देशको भविष्य भएको र आजकल नयाँ पुस्ताका अधिकांस युवकहरुले लागुऔषधको जानी नजानिदो रुपमा प्रयोग गर्ने गरेको र यसको कारण समाजमा विभिन्न किसिमको घटना घटिरहेकोले यस्तो सचेतनात्मक कार्यक्रम आवश्यक रहेको बताए।
कार्यक्रम जनकपुरधाम जेसिज बर्ष २०२६ का अध्यक्ष जेसि भवेश झा लगायत जनकपुरधाम जेसिजका पदाधिकारी तथा सदस्यहरु,शिक्षक र विद्यार्थीहरुको उपस्थिती रहेको थियो ।
Discussion about this post