जनकपुरधाम/असोज २१ गते। जनकपुरधाम जेसिजको जेसीज सप्ताह–२०२६ अन्तर्गत आज तिरहुतिया गाछीमा जेसीज जनकपुर र पत्रकारबीच मैत्रीपूर्ण खेल सम्पन्न भएको छ।
जनकपुरधाम जेसिज वर्ष २०२६ का अध्यक्ष भवेश झाले युवाको नेतृत्व क्षमता विकाससँगै सामाजिक उत्तरदायित्व अन्तर्गत हरेक वर्ष विभिन्न कार्यक्रम आयोजना गर्दै जेसीज सप्ताह मनाउँदै आएको बताए। उनले जेसीजले युवाको व्यक्तित्व तथा नेतृत्व विकाससँगै समुदायमा सकारात्मक योगदान पुर्याउने उद्देश्यले विभिन्न गतिविधि गर्दै आएको बताएका छ्न ।
आजको खेलमा जनकपुरधाम जेसिजले टस जितेर पहिलो ब्याटङ रोजेको थियो । पहिलो ब्याटिङ गर्दै जनकपुरधाम जेसिसका टिमले ७ ओभरमा ७६ रनको योगफल तयार गरेको थियो। जवाफी ब्याटिङ गरेको पत्रकार महासङ्घको टिमले सात ओभरमा जम्मा ६२ रन मात्र बनाउन सफल भयो। उक्त खेल जनकपुरधाम जेसिजले १४ रनले जित्न सफल भयो।
जेसीज सप्ताह–२०२६ का मूल संयोजक राम सोगरथ साहका अनुसार सप्ताहअन्तर्गत आगामी दिनमा जेसिज स्कुल लेभल ओरेट्री कन्टेस्ट, ड्रग एब्युज अवेयरनेस लगायतका कार्यक्रम आयोजना गरिनेछ।
कार्यक्रमले पत्रकार र जेसीजबीचको आपसी सम्बन्ध, सहकार्य र भाइचारालाई थप मजबुत बनाउने वातावरण सिर्जना गरेको आजको खेलको संयोजक जेसी कैलाश नारायण साहले जनाएको छ।
Discussion about this post