मुम्बई/असार २४ गते। ओटीटी प्लेटफर्म अमेजन प्राइमको अत्यधिक लोकप्रिय क्राइम–थ्रिलर शृङ्खला ‘मिर्जापुर’ अब ठूलो पर्दामा तहल्का मच्चाउन तयार भएर बसेको छ।
हलमा प्रदर्शनको तयारीमा रहेको ‘मिर्जापुरः द मुभी’ मा शृङ्खलाका प्रायः सबै मुख्य कलाकारहरू देखिनेछन् यद्यपि, यस चलचित्रमा अभिनेत्री सोनल चौहान र टेलिभिजन अभिनेता मोहित मलिकजस्ता नयाँ कलाकारहरू पनि समावेश हुनेछन्।
टेलिभिजन उद्योगका चर्चित कलाकार मोहित मलिक ‘मिर्जापुरः द मुभी’ मा एक महत्त्वपूर्ण भूमिकामा देखिँदैछन्। उनका प्रशंसकहरू उनलाई यो भूमिकामा हेर्न निकै आतुर छन्। हालै एनडीटीभीसँग कुरा गर्दै मोहितले चलचित्र र आफ्नो भूमिकाबारे विभिन्न जानकारी साझा गरेका छन्, जसले दर्शकहरू माझ निकै उत्साह जगाएको छ।
‘मिर्जापुरः द मुभी’ मा महत्त्वपूर्ण भूमिका निर्वाह गरेका टेलिभिजन अभिनेता मोहित मलिकले टिजर हेरेपछि नै दर्शकहरूले चलचित्रमा के कस्ता कुराहरू समेटिएका छन् भन्नेबारे अनुमान लगाउन सक्ने बताएका छन्। उनले ‘मिर्जापुर’ का विभिन्न सिजनहरू हेरिसकेका दर्शकहरूले चलचित्रमा धेरै नयाँ पक्षहरू पाउने र शृङ्खला नहेरेकाहरूले पनि चलचित्रलाई पूर्ण रूपमा बुझेर आनन्द लिन सक्ने उल्लेख गरे।
मोहित मलिकले बताएअनुसार, ‘मिर्जापुरः द मुभी’ का पात्रहरू सबै ‘ग्रे’ अर्थात् न पूर्ण रूपमा असल न पूर्ण रूपमा खराब प्रकृतिका छन्। वास्तविक जीवनमा हामी पनि त्यस्तै हुन्छौं, हामी सधैं राम्रा काम मात्र गर्दैनौं। हाम्रा पनि आफ्नै किसिमका कमी कमजोरीहरू हुन्छन्। आफ्नो पात्रका बारेमा धेरै कुरा खुलाउन नसके पनि म यति भन्न सक्छु कि यो एउटा ‘सरप्राइज प्याकेज’ हो।’ उनले यो पनि उल्लेख गरे कि ‘मिर्जापुरः द मुभी’को छायांकन पूर्वाञ्चल र बनारसमा गरिएको भए तापनि यसको केही भाग राजस्थानमा पनि छायांकन गरिएको थियो।
अभिनेताले बताए कि टेलिभिजनबाट ओटीटी शो र चलचित्रतर्फको यात्रा कुनै पनि टिभी कलाकारका लागि निकै चुनौतीपूर्ण हुन्छ। यद्यपि, यदि तपाईं आफ्नो काममा केन्द्रित रहनुभयो भने यसले अन्ततः तपाईंलाई उत्कृष्ट अवसरहरूतर्फ डोर्याउँछ। आफ्नो अभिनय कौशल निखार्नु नै सधैं प्राथमिकता रहँदै आएको उनले उल्लेख गरेका छन् । मोहितले उल्लेख गरे कि उनले यस चलचित्रमा सोनल चौहान, पंकज त्रिपाठी, अली फजल, रसिका दुगल र रवि किशन लगायतका सम्पूर्ण कलाकारहरूसँग दृश्यहरू साझा गरेका छन्।
मोहितका अनुसार टेलिभिजनमा काम गर्दा एक किसिमको सहजता महसुस हुन्छस मानिसहरू कार्यक्रमका लागि सीधै सम्पर्क गर्छन् र पारिश्रमिक पनि राम्रो हुन्छ। तैपनि, टेलिभिजनमा काम गरिसकेका भए पनि मानिसहरू अन्य क्षेत्रमा हात हाल्न चाहन्छन्, जहाँ उनीहरूले फेरि शून्यबाटै सुरुवात गर्नुपर्ने हुन्छ। ती नयाँ क्षेत्रहरूमा उनीहरूको टेलिभिजनको काम नदेखिएको हुनाले, अडिसन नदिईकन इत्त् ९ओटीटी० कार्यक्रममा भूमिका पाउन गाह्रो हुन्छ।
Discussion about this post