समाज बदलिन पहिला आफुलाई बदलिनु पर्छ:सिडियो कणेल

संजय यादव, सिरहा।सिरहा जिल्ला प्रमुख अधिकारी प्रदीपराज कणेलले समाज बदलिन पहिला आफुलाई नै बदलिन सके समाज परिवर्तन गर्न ज्यादा समय नलाग्ने बताएका छन् । कानूनले दिएको अधिकार उपयोग गरि समाजमा देखिएका बिकृती, बिसंगती, अंधविश्वास जस्ता कुरितिहरु हटाउन हरबखत समुदायसंगै रहेको बताए । सिरहाको सुखीपुर नगरपालिका वार्ड नं ७ शिब चौक बलही स्थित दलित परिवर्तन समाज सुखीपुरको आयोजनामा भएको ”बाल बिवाह, दाईजो प्रथा तथा लागु औषध दुबर््सन न्यूनिकरण” बिषयक कार्यक्रममा प्रमुख जिल्ला अधिकारी कणेलले यस्तो बताए । कार्यक्रममा बोल्दै प्रमुख जिल्ला अधिकारी कणेलले भने, बाल विवाह, दाइजो प्रथा तथा लागु औषध समाजमा आगोको भुस जस्तै सल्किदै गईरहेकोले सचेत नागरिकहरुले यसलाई सही बाटोमा ल्याउन आजै देखि अग्रसर भई पहल गर्न आहवान गरे । प्रमुख अधिकारी कणेलले थपे, बाल विवाह, दाइजो, लागु औषधको कारोवारी कानूनी अपराध हो । त्यसैले यस्ता अपराध कसैले गर्न नहुनेमा जोड दिए । 

त्यस्तै पूर्व साँसद एवं नेपाली काँग्रेस सिरहा जिल्ला सभापति रामचन्द्र यादवले यस्ता अपराध गर्नेहरुलाई बिभिन्न नेताहरुको सिफारिसमा सिडियो, एसपीले नै छोडाउन सहयोग गरिरहेको बताए । पूर्व साँसद यादवले भने, दहेज दिनु र लिनु कानूनी अपराध रहेपनि दाइजो प्रथा दिनप्रतिदिन बढदै गईरहेको प्रति सचेत हुन सबैमा अनुरोध गरे । उनले भने, पहिला आफुबाट नै शुरु गरी अनि मात्र अरुलाई भन्न आग्रह गरे । भाषण गरेर हुदैन, काम गर्नुपर्छ भन्ने मेरो मान्यता रहेको पूर्व साासद यादवले भने ।

कार्यक्रममा सुखीपुर नगरपालिकाका नगर प्रमुख रामऔतार यादवले शिक्षाको कमीले समाजमा यस्ता बिकृतीहरु बढदै गईरहेकोले शिक्षामा जोड दिन सबैमा अपलि गरे । यस्ता बिकृतीहरु न्यूनिकरण गर्न नगरको तर्फबाट अभियान नै चलाएको र यसमा सबैको साथको खाँचो रहेको बताए । 

त्यस्तै सिरहा प्रहरी प्रमुख एसपी उमाशंकर पंजियारले प्रशासनले एकलै चाहेर पनि कहिले गर्न सकदैन, आम जनसमूदायको साथले मात्र यस्ता बिकृतीहरु हटन सक्ने बताए । शान्ति सुरक्षाकोलागि चौबिसौ घण्टा हामी तम्तयार रहेको बताए । 

कार्यक्रमको मंचमा रहेको प्रमुख अतिथि, बिशिष्ट अथिति, अतिथि लगायत उपस्थित सबै सहभागिहरुलाई आ आफनो स्थानबाट उठेर आ आफनो छोराको बिवाहमा कुनै किसिमले दाइजो नलिने र छोरीको बिवाहमा समेत दाइजो नदिने पहिला आफुबाट नै लागु गर्न सबैमा कार्यक्रमको संचालक रेडियो आकाशगंगा एफएम गोलबजारका पत्रकार संजय यादवले प्रतिबद्धता गर्न लगाए । उपस्थित सबैले एक स्वरमै प्रतिबद्धता समेत जाहेर गरेको थियो । कार्यक्रममा आयोजक संस्था दलित परिवर्तन समाजको संरक्षक एक्लब कुमार रामको प्रमुख ब्यबस्थापन, रेडियो आकाशगंगा एफएम गोलबजारका पत्रकार संजय यादवको संचालन तथा आयोजक संस्था अध्यक्ष रामपरिक्षण मोचीको अध्यक्षतामा भएको थियो ।