गिरिजानन्द साह/जनकपुरधाम/फागुन २८ गते । जनकपुरधाममा आयोजित टाटा पेन्टस दोस्रो अन्तर कलेज क्रिकेट च्यम्पियनसिप २०८० प्रतियोगिता अन्तर्गत भएको आजको खेलमा मोनास्टिक कॉलेज र मोडेल मल्टीपल कॉलेज विजय भएका छन । 
आजको पहिलो खेल मोनास्टिक कॉलेज र याज्ञवल्क्य संस्कृत कलेज ,ज्ञानकूप बीच भएको थियो जसमा मोनास्टिक कॉलेजले टस जितेर पहिला ब्याटिङ रोजेको थियो । ब्याटिङ सुरु गरेको मोनास्टिक कॉलेजका खेलाडीहरु २० ओभरमा ८ विकेट गुमाएर १६९ रन बनाउदै प्रतिद्वन्द्वी टिमलाई जितको लागि १७० रनको लक्ष्य दिएको थियो । मोनास्टिक कॉलेजको टिमका लागि रंजीत यादवले ५३ बलमा ६९ र अयानले १६ रनको योगदान दिएको थियो ।
याज्ञवल्क्य संस्कृत कलेज ,ज्ञानकूपको तर्फबाट लागि बलिङ गरेका दिपकले २ विकेट र राकेशले २ विकेट लिन सफल भएका थिए । खेलमा जवाफि ब्याटिङका लागि आएका याज्ञवल्क्य संस्कृत कलेज ,ज्ञानकूपका ब्याट्सम्यानहरु मोनास्टिक कॉलेजको बलिङ सामु खासै राम्रो चल्न सकेनन जसले गर्दा १५.२ ओभरमा अल आउट हुदै ६५ रन मात्र बनाउन सक्यो र उक्त खेल मोनास्टिक कॉलेजले १०३ रनको बिशाल अन्तरले खेल जित्न सफल भयो। याज्ञवल्क्य संस्कृत कलेज ,ज्ञानकूपका खेलाडीहरु मध्ये दिपक दासले ११ रन बनाएको थियो । मोनास्टिक कॉलेजको टिमका लागि बलिङ गरेका रोहित महतोले ४ ओवरमा १९ रन खर्चेर ३ विकेट लिए भने रूपेश यादव २ विकेट लिन सफल भएका थिए। यस खेलको म्यान अफ दी म्याच मोनास्टिक कॉलेजको खेलाडी रंजीत यादव भएको थियो। म्यान अफ द म्याचको उपाधि नेकपा एस का जिल्ला सचिव राज कुमार यादव र वडा न.-८ का वडा अध्यक्ष दिनेश सिंह द्वारा हस्तान्तरण गरिएको थियो।
त्यस्तै दोस्रो खेल मोडेल मल्टीपल कॉलेज र मिट कॉलेज बीच भएको थियो जसमा मिट कॉलेजले टस जितेर ब्याटिङग रोजेको थियो। ब्याटिङ सुरु गरेको मिट कॉलेजका खेलाडीहरु १६ ओभरमा सबै विकेट गुमाउँदै ६० रन बनाउदै प्रतिद्वन्द्वी टिमलाई जितको लागि ६१ रनको लक्ष्य दिएको थियो । मिट कॉलेजको टिमका लागि आशीषले २५ बलमा १६ रनको योगदान दिएको थियो । मोडेल मल्टीपल कॉलेजको तर्फबाट लागि बलिङ गरेका अमित मंडलले ४ ओवरमा १७ रन खर्चेर ४ विकेट लिए भने अहमदले २ विकेट र केशव २ विकेट लिन सफल भएका थिए ।
खेलमा जवाफि ब्याटिङका लागि आएका मोडेल मल्टीपल कॉलेजका खेलाडीहरु ७.३ ओभरमा १ विकेटको क्षतिमा सजिलै ६१ रन बनाउन सफल भयो र खेल मोडेल मल्टीपल कॉलेजले ९ विकेटले जित्यो । मोडेल मल्टीपल कॉलेजका खेलाडीहरु मध्ये रोहनले २० बलमा १९ रन,साइमन रोयले ११ बलमा १६ रन र जाहिदले १४ बल १५ रन बनाए । मिट कॉलेजको टिमको लागि बलिङ गरेको मध्ये आशिकले १ विकेट लिन सफल भएको थियो । यस खेलको म्यान अफ दी म्याच मोडेल मल्टीपल कॉलेजका खेलाडी अमित मंडल भएको थिए। यस खेलको म्यान अफ द म्याचको उपाधि सहिदनगर व्यापार संघको अध्यक्ष राजदेव साह र नेकपा एमालेका नेता शुशिल कर्ण द्वारा हस्तान्तरण गरिएको थियो। प्रतियोगितामा जम्मा ८ वटा क्याम्पसले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ।
Discussion about this post