महेश सिंह/सिरहा-लहान/जेठ ३२ गते। सिरहामा लघुवित्त विरुद्धको आन्दोलनकारीको डरले सिरहा सप्तरी लगायत मधेस प्रदेशका लघुवित्त संस्थाका कर्मचारीहरुले कार्यालय बन्द गरेर कर्मचारीहरु लुकिछिपी बस्ने गरेका छन। बिगत १७ महिना अगाडी देखि मणिराम ज्ञवालीको नेतृत्व सुरु भएको आन्दोलन देशै भरी उतकर्समा पुगेका छन्।
लघुवित्त विरुद्धको संघर्ष समितिले देश भरी छरीएर रहेको लघुवित्त वित्तीय संस्थाहरुमा पीडित महिलाहरुको समुहले तोडफोड र तालाबन्दी गर्दै आएका छन्। यता मधेस प्रदेशका संयोजक युवराज रसाइलीको नेतृत्वमा मधेस प्रदेशका ८ वटै जिल्लामा निरन्तर आन्दोलन जारी रहेका छन्।आन्दोलनलाई बिथोल्न केही कार्क तत्वहरुले केन्द्रिय अध्यक्ष मणिराम ज्ञवालीको फर्जी हस्ताक्षर गरेको प्रेस बिज्ञप्ती जारी गर्दै गाउँगाउँमा झुठा प्रचार गरी आन्दोलनलाई बिथोल्न सडयन्त्र गरेका छन्।
बुधबार संघर्ष समितिका सिरहा जिल्ला अध्यक्ष अर्जुन बिश्वकर्माको नेतृत्वमा लहान नगरपालिका वडा नम्बर ११ पडरीया चौकबाट सुरु गरेको आन्दोलन भोटीयाटोल हुँदै लक्ष्मीपुर पतारी गाउँपालिका सितापुर बजार सम्म पुगेका थिए।नव सामन्तीको रूपमा स्थापित लघुवित्त संस्था खारेज गर,सामुहिक ऋण मिनाहा गर,आम गरीब किसानहरुलाई नि:शुल्क ऋणप्रदान गर,आवश्यकता र दक्षताको अधारमा काम र दामको ब्यवस्था गर,समाजवादी अर्थ तन्त्रको बिकास गर, लगायतका नारा लगाउदै पर्दशन गरेका छन्।
लहान ११ पडरीया चौकमा संचालनमा रहेको बिजय लघुवित्त र भोटीयाटोलमा रहेको NMB ,स्वस्तिक र सितापुर बजारमा संचालनमा रहेको मेरो माईक्रो फाईनान्स र अभियान लघुवित्त र जीवन बिकास लघुवित्त संस्थामा कार्यालयको बाईनर तोडफोड गरी तालाबन्दी गरेका छन्।लघुवित्त कर्मचारीहरुले कार्यालय बन्द गरी लुकिछिपी बस्ने गरेका छन्।
माग पुरा नभए असार २९ र ३० गते नेपाल बन्दको अहवान गरेका छन्। संघर्ष समितिका पीडित महिला र पुरुषले सहिद बन्न तयार रहेको नेपाल सरकारलाई चेतावनी दिएका छन्। अगामी दिनमा प्रत्येक स्थानीय तहको कार्यालय घेराउ र तालाबन्दी गर्ने जिल्ला अध्यक्ष अर्जुन बिश्वकर्माले कोण सभाको सम्बोधन गर्दै यस्तो बताएका थिए।
Discussion about this post