तपाईं कतिको धनवान् हुनुहुनेछ ? हेर्नुहोस सम्पुर्ण जानकारी सहित

प्रसिद्ध ज्योतिष ई.विवेक । तपाईं कतिको धनवान् हुनुहुनेछ ? त्यो बुझ्नको लागि जातकको कुण्डली भएको योगहरु बाट थाहा पाउन सकिन्छ । हेर्नुहोस जातकको कुण्डलीमा यी योगहरु हुँदा जातक धेरैनै धनवान् हुने गर्दछ।

धनवान् योग-

१.पञ्चमहापुरूष योग :-

कुनै जातकको कुण्डलीमा यो योग छ भने उनीहरुले जीवनमा निकै वैभव र ऐश्वर्य प्राप्त गर्दछन् ।
(पंचमहापुरुष योग :- कुण्डलीमा शुक्र, बुध, मंगल, वृहस्पति र शनि ग्रहहरु मध्ये कुनै एक आफ्नो उच्च राशी वा स्वराशी भएर केन्द्रमा स्थित छ भने पंचमहापुरुष योग बन्छ ।)

२. गजकेसरी योग :-

कुण्डलीमा गजकेसरी योग हुने जातक अत्यन्त भाग्यशाली हुन्छन् यस्ता जातक धनवान् मानसम्मान वा उच्च पद पाउने हुन्छन् र यिनीहरुको जीवन सफल हुन्छ । ( जातकको जन्म कुण्डलीमा गुरुबाट चन्द्रमा केन्द्रमा छ भने गजकेसरी योग बन्छ ।)

३.लक्ष्मी योग :-

कुण्डलीमा लक्ष्मी योग छ भने यस्ता जातक माथि धनकी देवी लक्ष्मीको कृपा सधै हुन्छ र जीवनकाल मा धनको कहिल्यै अभाव हुँदैन । ( जातकको जन्म कुण्डली मा लग्नेश नवमेश वा पंचमेश को युक्ति छ भने लक्ष्मी योग बन्छ ।)

४.अखण्ड साम्राज्य योग :-

कुण्डलीमा अखण्ड सम्राज्य योग छ भने यो योग अत्यन्त शुभ फलदायक हुन्छ यो योग भएका जातकले आफ्नो जीवनकालमा धन वैभव र यश प्राप्त गर्दछन् । (जातकको जन्म कुण्डलीमा द्वितीयेश एवं नवमेश चन्द्रमाबाट केन्द्रमा छ भने अखण्ड साम्राज्य योग योग बन्छ ।)

५.अमला योग :-

कुण्डलीमा अमला योग छ भने यस्ता जातक गरिब परिवारमै जन्मे पनि आफ्नो जीवनमा यश कीर्ति र धन प्राप्त गर्दछन् । (जातकको जन्म कुण्डलीमा लग्न कुण्डलीबाट र चन्द्रमाबाट दशम भावमा शुभ ग्रह छ भने अमला योग बन्छ ।)