मधेस प्रदेश : करेन्ट लगाएर श्रीमतीको ह त्या, दुर्घटना देखाउन गाडीले किचियो

पुस ७ गते । पर्सा प्रहरीले महिलाको ह त्या गरेको आरोपमा श्रीमान र देवरलाई प क्राउ गरेका छन् ।

बुधबार बिहान साढे ५ बजे वीरगन्ज महानगरपालिका–२७ जसौलीस्थित सडकमा एक महिला मृ त फेला परेकी थिइन् । उनी सोही ठाउँकी ३० वर्षीया रिंकु कुमारी थिइन् ।

हत्या आरोपमा मृतक रिंकुका ३४ वर्षीय श्रीमान कुशल दास र देवर २८ वर्षीय भरतलाई प क्राउ गरेको जिल्ला प्रहरी कार्यालयका डिएसपी दीपक गिरीले जानकारी दिए ।

प क्राउ परेका दाजुभाइ कुशल र भरत दुवै जनामाथि कर्तव्य ज्यान मुद्दामा अनुसन्धान जारी रहेको प्रहरीले कार्यालयले जनाएको छ।

प्रहरीले बिहान सडकमा एक महिला लडिरहेको भन्ने खबर पाएको थियो । खबरपछि अस्थायी प्रहरी पोष्ट उदयपुर घुर्मीबाट टोली खटाएर घटनास्थल सुरक्षित राखिएको थियो । वडा प्रहरी कार्यालय श्रीपुरका प्रहरी निरीक्षक डिल्लीराज सापकोटा र जिल्ला प्रहरी कार्यालय पर्साबाट प्रहरी निरीक्षक मनोजकुमार यादवको टोली पनि घटनास्थलमा पुगेको थियो।

रिंकुकुमारी घरअगाडिकै कच्ची बाटोको किनारमा मृत फेला परेकी थिइन् । टाउको किचिएको अवस्थामा शव फेला परेको थियो । त्यसरी श व फेला परेको भन्ने जानकारी जनप्रतिनिधिले प्रहरीलाई दिएका थिए ।

‘त्यहाँ हामीलाई जनप्रतिनिधिले जानकारी दिएका थिए । त्यसपछि टोली खटाएका थियौं,’ डिएसपी गिरीले भने ।

सुरूमा घटनास्थल हेर्दा रिंकुलाई गाडीले किचेको जस्तो देखिन्थ्यो । धेरै गाडी नगुड्ने भित्री सडकमा कसले ठक्कर दिएर गयो होला भन्नेबारे पनि चासो प्रहरीको थियो ।

उनका श्रीमान कुशललाई सोधपुछ गर्दा पनि गाडीले नै ठक्कर दिएको भन्ने बताइरहेका थिए । तर प्रहरीले श व हेर्दा हातमा करेन्ट लागेको पनि देखेको डिएसपी गिरीले बताए ।

‘बायाँ हत्केलामा करेन्ट लागेर पोलेको दाग देखियो । रिंकुको घरको कोठाभित्र पसेर हेर्दा पनि तारहरू देख्यौं जसलाई नयाँ टेपले टालेको पनि देखियो । पुरानो तारको टेप निकालेर छेवैमा राखेको पनि भेटियो । प्लास्टिकको पन्जा पनि देख्यौं’, उनले भने, ‘शव त शंकास्पद थियो नै । कोठाभित्र पनि यस्तो देखेपछि श्रीमानसँग सोधपुछ गर्न थाल्यौं ।’

यी प्रमाणहरू पेस गरी सोधपुछ गर्दा भने उनले हत्या गरेको स्वीकार गरेका डिएसपी गिरीले बताए ।

उनका अनुसार कुशलले आफ्नै कोठामा श्रीमती रिंकुलाई करेन्ट लगाएर हत्या गरेका हुन् । यसरी हत्या गर्नेबारे उनले पूर्वयोजना बनाएको समेत प्रारम्भिक अनुसन्धानबाट देखिएको छ ।

कुशलले रिंकु परपुरूषसँग लागेको भन्ने शंका गर्थे । त्यही शंकाले उनीहरूबीचको सम्बन्ध बिग्रिएको देखिएको छ । उनीहरू घरमा पनि अलग अलग बस्थे । मंगलबार मध्यराति भने रिंकुलाई आफू भएको ठाउँमा बोलाएर कुशलले ह त्या गरेका हुन् ।

हत्यापछि उनले उक्त श वलाई यत्तिकै राखेनन् । श व व्यवस्थापन गर्न र आफू हत्याबाट जोगिन भाइ भरतको सहयोग मागे । दाजुभाइ दुवै जना सवारी चालक हुन् । कुशल ठूला सवारीसाधन चलाउँछन् भने भाइ कुखुरा बोक्ने सानो गाडी चलाउँछन् ।

उनीहरूले सर-सल्लाह गरी भरतले चलाउने ना.३ च ६२४७ नम्बरको कुखुराको चल्ला बोक्ने गाडी ल्याएर श व सडकमा निकाली गाडीले टाउकोमा किचेको डिएसपी गिरीले बताए ।

त्यसपछि गाडी वीरगन्ज-१७ अलौस्थित शिवम ह्याचरीभित्र लुकाएर राखेका थिए ।

‘यसरी हत्यापछि पनि गाडीले किच्दा आफूहरू बचिन्छ कि भन्ने सोचेछन् । गाडी पनि फेला पर्दैन । कसले हिर्काएको पनि थाहा नहुने भन्ने बुझेर हत्यापछि किचेको देखियो’, डिएसपी गिरीले भने ।

श वको पोस्टमर्टम गर्न नारायणी अस्पताल वीरगन्जमा पठाइएको छ । यता, प्रहरीले यस घटनामा थप अनुसन्धान अघि बढाएको छ ।