सर्लाही/पुस ५ गते । सर्लाहीमा मानसिक सन्तुलन ठीक नभएका युवकले आफ्नै घरमा आगो लगाएको छ ।
जिल्लाको हरिपुर नगरपालिकामा मानसिक सन्तुलन ठीक नभएका युवकले आफ्नै घरमा आगो लगाउँदा रु १५ लाखभन्दा बढीको क्षति भएको हो ।
हरिपुर –२ सानो जगतपुरका कुम्भमाया बराल न्यौपानेका छोरा दीपक न्यौपानेले सोमबार राति आफ्नै घरमा आगो लगाएका थिए ।
जिल्ला प्रहरी कार्यालय सर्लाहीका प्रहरी निरीक्षक विजय कुँवरका अनुसार इँट्टा र काठले बनेको दुईतले घर पूर्णरूपमा जलेर नष्ट भएको हो ।
आगलागीबाट घरसहित घरभित्र रहेको अन्न, कपडा, भाँडा र नगदसहित सम्पूर्ण सरसामग्री जलेर नष्ट हुँदा रु १५ लाखभन्दा बढीको क्षति भएको हो ।
आगो स्थानीय, प्रहरी र हरिवन नगरपालिकाबाट गएको दमकलको सहयोगमा नियन्त्रणमा लिएको थियो ।
Discussion about this post