धनुषा । धनुषामा आज एकाबिहानै भएको महिलाको ह त्यामा श्रीमानकै संलग्नता रहेको पाइएको प्रहरीले जनाएको छ । सुतिरहेको ठाउँमा धारिलो हतियार प्रहार गरी आज बिहान ४ बजे २८ वर्षीया अमृता यादवको ह त्या भएको थियो ।
धनुषाको बटेश्वर गाउँपालिका-५ शान्तिपुरका वीरेन्द्र यादवले नै आफ्नी श्रीमती अमृताको ह त्या गरेको अनुसन्धानबाट खुलेको धनुषाका प्रहरी प्रमुख एसपी वसन्त रजौरेले जानकारी दिए ।
प्रहरीले घटनालगत्तै वीरेन्द्रलाई नियन्त्रणमा लिएर सोधपुछ गरेको थियो । एसपी रजौरेका अनुसार सोधपुछको क्रममा वीरेन्द्रले आफूले बञ्चरो प्रहार गरी ह त्या गरेको बयान दिएका थिए ।
बञ्चरो प्रहार गरी गम्भीर घाइते बनाएपछि वीरेन्द्रले नै अमृतालाई अस्पताल पुर्याएका थिए । जनकपुरधामको काव्या अस्पतालमा उपचारको क्रममा उनको मृ त्यु भएको थियो । प्रहरीले यादवले प्रहार गरेको बञ्चरोसमेत फेला पारेको छ । श्रीमतीमाथि प्रहार गरेको बञ्चरो उनले आफ्नै जमिनमा रहेको पोखरीमा फालेका थिए ।
सुरुमा उनले चार-पाँचजनाको समूहमा आएका नकाबधारी व्यक्तिले अमृतामाथि आक्रमण गरेर फरार भएको प्रहरीलाई बताएका थिए । तर, आशंका लागेपछि प्रहरीले उनलाई नियन्त्रणमा लिएको थियो ।
आइतबार राति ११ बजेको समयमा घरमा सुतिरहेकी रितामाथि सुतेकै ओछ्यानमा धारिलो हतियार प्रहार भएको थियो । श्रीमान् विरेन्द्र भने घटनाको बेला आफू अर्को कोठामा सुतेको प्रहरीलाई बयान दिएका थिए । अमृताको श व पोस्टमार्टमका लागि जनकपुरधामस्थित प्रादेशिक अस्पतालमा राखिएको छ ।
Discussion about this post