महोत्तरीमा विजय उत्सवमा विपक्षीलाई कु टपिट, सात जना घाइते

महोत्तरी/मंसिर १५ गते। महोत्तरी क्षेत्र नं १ बाट निर्वाचित भएका एमालेका लक्ष्मी महतोको विजय उत्सवमा हिडेका गौशाला २ निगौलका अध्यक्ष श्याम सुन्दर मण्डलको नेतृत्वले विपक्षी दलका सात जना व्यक्तिलाई कु टपिट गरेका छन् ।

मंगलबार राति सा“ढे ८ बजे वडाध्यक्ष मण्डलको टोलमा लक्ष्मी महतोले जितेको खुशीयालीमा दीप प्रज्वलन गरेका थिए । दीप प्रज्वलन पछि डिजे बजाएर टोल घुम्ने क्रममा एक किराना पसलको अगाडि बसिरहेका कमलेश कुमार मण्डल,वीरेन्द्र मण्डल र राकेश महतोमाथि वडाध्यक्ष मण्डलसहित २०÷३० जनाको समूहले आक्रमण गरेको स्थानीयले बताएका छन् ।

अचानक डिजे लिएर आउनेहरुले आफ्नो पसलमा बसिरहेका मानिसमाथि कुटपिट गरेको र आफूलाई पनि अपमानजनक व्यवहार गरेका किराना पसल संचालक केवला देवीले बताइन् । पसलको बाहिर बसिरहेको समयमा अचानक आफूमाथि प्रहार भएको र भागेर बच्न खोज्दा पनि पसलेको घरभित्रै गएर ढोकासमेत फोडि आफूमाथि कुटपिट गरेको घाइते कमलेश कुमार मण्डलले बताए । उनको गाला र कानमा चोट लागेको छ । गौशाला २ कै रामछविला साह घटना भएको ठाउ“मा हेर्न गएको बेला आफूमाथि आक्रमण भएको बताए । उनको टाउकोमा चोट छ । उपचारका लागि प्राथामिक स्वास्थ्य केन्द्रमा गएका साहमाथि पुनः अस्पतालमा पनि हातपात भएको साहले बताए । उनको टाउकोमा ६ वटा टाका लगाइएको प्राथामिक स्वास्थ्य केन्द्रले जनाएको छ ।

उपचारका लागि अस्पताल गएका घाइतेलाई पुनःत्यही समूहका केही मानिस गएर सा“ढे ११ बजे राति पुनः हातपात गरेको पीडितहरुले बताएका छन् । प्राथामिक केन्द्रमा उपचाररत घाइतेमाथि मध्यरातमा मानिसहरु आएर कुटपिट गरेका प्राथामिक केन्द्रका स्वास्थ्यकर्मी राजीव साहले जानकारी दिए । अस्पतालमा विरामी लिएर गएको समय वडाध्यक्ष नेतृत्वको टोलीले पुनःहातपात गरेको र आफूसंग भएको मोबाइल र ४० हजार पैसा पनि लिएर गएका घाइतेका आफन्त दिनेश कुमार सिंहले बताए ।

भर्खरै सकिएको प्रतिनिधिसभा र प्रदेशसभा निर्वाचनको परिणामको विषयलाई लिएर आफूहरुमाथि हातपात भएको पीडितहरुले बताएका छन् । निर्वाचित महतोको पकेट मत क्षेत्र मानिएको गौशाला २ मा ३२ सय मत खसेको थियो । त्यसमध्ये २५ सय मत महतोलाई खस्नुपर्ने दाबी गरिएको क्षेत्रमा १८ सय मत मात्रै महतोलाई खसेको थियो । विपक्षी गठबन्धनले भोट विगारेको भन्दै गठबन्धनमा सहभागी भएकै आधारमा कुटपिट भएको आरोप पीडितहरुको छ ।

वडाध्यक्ष श्यामसुन्दर मण्डलले आफूहरुको समूहले कुटपिट नगरेको दाबी गरेका छन् । आफ्नो घर अगाडि दीप प्रज्वलनपछि विजय उत्सवमा निस्केको डिजे सहितको टोलीलाई विपक्षीको घर,आ“गन नजिक जान नदिनेगरी अवरोध गरेपछि दुबै पक्षबाट हातपात भएको बताए । उनले आफ्नो समूहमा रहेका ३ जना घाइते भएको जानकारी दिए । भोट नदिएको वा गठबन्धनमा सहभागी भएको विषयमा नभइ विपक्षीलेनै विजय उत्सवमा अवरोध गरेको उनको आरोप छ । पीडितहरुले प्रहरी र प्रशासनले आफूहरुलाई साथ नदिएकमो बताएका छन् । प्रहरीले भने दुबैतर्फबाट झडप भएको भन्ने प्रारम्भिक अनुसन्धानबाट देखिएकाले अहिले कसैलाई पक्राउ गरिहाल्ने अवस्था नरहको जनाएको छ ।

के विषयमा किन र कसरी कुटपिट भएको भन्ने विषय अहिले अनुसन्धानमै रहेकाले यस विषयमा कसैलाई कारबाही गरिहाल्ने अवस्था नरहेको र मुद्दा र अनुसन्धानपछि दोषीमाथि कारबाही हुने जिल्ला प्रहरी कार्यालय महोत्तरीका प्रहरी प्रमुख एसपी कृष्ण पंगेनीले बताएका छन् ।