जलेश्वर/जेठ १ गते । महोत्तरीको मटिहानी नगरपालिकामा लोकतान्त्रिक समाजवादी पार्टी (लोसपा) नेपालले पहिलो विजयी खाता खोलेका छन् ।
शनिबार दिउँसोदेखि शुरु भएको मतगणना परिणामा अनुसार लोसपा नेपालले मटिहानी नगरपालिका वडा नं. १ मा प्यानल सहितै वडा अध्यक्ष पदमा विजयी भएका हुन् । लोसपा नेपालका शिवशङ्कर कुमार राय ३७८ मत ल्याइ विजयी हुनुभएको छ ।
मटिहानी नगरपालिकाका निर्वाचन अधिकृत कुलबहादुर फडेराले राय सहितको प्यानललाई विजयी भएको घोषणा गर्नुभएको छ । उहाँका निकटतम प्रतिद्वन्द्वी नेकपा एमालेका हरिचन्द्र साह २१२ मत प्राप्त गर्नुभएको छ । जनता समाजवादी पार्टी (जसपा) नेपालका मोहम्मद बसिर राईनले १८१ मत प्राप्त गरेर तेस्रो स्थान हासिल गरेका छन ।
निकटमत प्रतिद्वन्दी साह र विजयी भएका राय बीच १६६ मतको अन्तर रहेको निर्वाचन अधिकृत फडेराले बताउनुभएको छ ।
यता मटिहानीमा नगरपालिकाको मेयर पदमा लोसपा नेपालबाट उम्मेदवारी दिएका हरि प्रसाद मण्डलको अग्रता कायमै छ ।
लोसपा उम्मेदवार मण्डल ३६३ मत ल्याइ अग्रस्थानमा रहनुभएको निर्वाचन अधिकृतको कार्यालयले जनाएको छ ।
अग्रस्थानमा रहेका मण्डललाई नेकपा एमालेका उम्मेदवार हेम चन्द्र यादव र जसपा नेपालका उम्मेदवार मोहम्मद मुजिवुल रहमानले पछयाई राख्नुभएको छ।
मटिहानी नगरपालिकाको धिरापुरस्थित कार्यालयमा हलमा जारी मत गणना अनुसार वडा नं. १ मा एक हजार ५१५ मतदाता थिए ।
Discussion about this post