अरुण कुमार यादव/राजविराज/चैत २८ गते। दुर्घटनामा परि घाइते भएकालाई उपचार खर्च नदिएको भन्दै हनुमाननगर–राजविराज सडक खण्डमा आज दिउँसो तिन बजेदेखि चक्का जाम गरेका छन ।
पिडित परिवारसहित स्थानिय युवाहरुले सप्तरी हनुमाननगर–राजविराज सडक खण्ड अवरोध गर्दै नाराबाजी समेत गरेका छन ।
सप्तरीको तिलाठी कोइलाडी गाउँपालिका वडा नं. ७ का जयबिन प्रसाद सिँहको ६ बर्षीय छोरा बन्सराज भनिने जित सिँहलाई सडेपार टोलमा पुस २१ ग्ते बसले ठक्कर दिएका थिए।राजविराजबाट मसापुर जादै गरेको ना ५ ख १५६० अर्जुन रथ बसले ति बालकलाई ठक्कर दिदा उनको दुवै खुटा भाचिएको थियो ।
ठकर दिएर सुरक्षित रहेपनि बसलाई पुनः ब्याक गरेर दुई वटै खुटामा चढाएर भागेको स्थानियबासीको कथन छ ।
ठक्कर लगतै राजविराजस्थित छिनस्मता अस्पतालमा उपचारको लागि भर्ना गरेपनि उपचार सम्भव नभएकोले थप्प उपचरका लागि भारतको तामिलनाडुको एक अस्पतालमा उपचार थालिनु परेको उनका आफन्त शैलेन्द्र सिँहले बताउनुभयो ।
दुवै खुटा कामै लाग्ने अवस्थामा नहरेको कारण उनलाई भारतमा उपचार थालिदा अहिले सम्म रु २० लाख खर्च भएको सिँहले जानकारी दिनुभयो । बसले ठक्कर दिएर घाइते बनाएपछि पिडित परिवार संग जिल्ला प्रहरी कार्यालयको रोहबरमा सम्झोता पछि चैत २५ गते सम्पुर्ण खर्च दिने भनिएपनि अहिले सम्म नदिएको कारण बाध्य भएर सडक अवरुद्ध गर्नु परेको पिडित परिवारले जानएका छन ।
घर जग्गा गिरबिमा राखेर आफनो छोराको उपचार गरेको भन्दै तत्काल क्षतिपुर्जी दिनुपर्ने जित सिँहको बुवा जयबिन प्रसाद सिँहको गुनासो छ । यसैबिच चैत २९ गते जिल्ला प्रशासन कार्यालयमा बसेर छलफल गरि उपचार खर्च दिने भनेपछि अहिले ७ बजेर ३० मिनेटमा चाकाजाम खुलेको स्थानिय कौशल यादवले बताउनुभयो ।

















Discussion about this post