महोत्तरी/चैत १२ गते । महोत्तरीमा मोटरसाइकल दुर्घटनामा परेर धनुषाका एक पुरुषको मृ त्यु भएको छ ।
शुक्रवार राति करिब १० बजे महोत्तरीको पिपरा गाउँपालिका वडा नम्वर ५ चाँदनी चौक नजिक मोटरसाइकल आफै अनियन्त्रित भएर लड्दा मोटरसाइकल चालकको मृ त्यु भएको प्रहरीले जनाएको छ ।
जनकपुरधामबाट जलेश्वर तर्फ जाँदै गरेको प्र २–०२–००३ प ७८७५ नम्बरको मोटरसाइकल आफै अनियन्त्रित भएर लड्दा मोटरसाइकलमा सवार धनुषाको जनकपुरधाम उपमहानगरपालिका वडा नम्वर २१ कुर्थाका करिब ४५ वर्षीय उपेन्द्र महासेठको मृ त्यु भएको महोत्तरी प्रहरीका प्रवक्ता प्रकाश विष्टले जानकारी दिए ।
मोटरसाइकलबाट लडेर घाइते भएका महासेठलाई उपचारको लागि प्रादेशिक अस्पताल जनकपुरधाममा उपचारको क्रममा राति करिब ११ बजे मृ त्यु भएको प्रहरीले जनाएको छ ।
Discussion about this post