महोत्तरी/फागुन २५ गते। मोटरसाइकललाई ट्रकले ठक्कर दिँदा एकजनाको मृ त्यु भएको छ। ट्रकको ठक्करबाट मोटरसाइकल सवार महोत्तरीको गौशाला नगरपालिका वडा नं. २ निगौलका ४० वर्षीय रामपुनित ठाकुरको मृ त्यु भएको जिल्ला प्रहरी कार्यालय महोत्तरीले जनाएको छ।
बुधबार दिउँसो औरही नगरपालिका–४ स्थित माईस्थान सम्सी सडकखण्डमा गौशालाबाट सम्सीतर्फ जाँदै गरेको प्र २–०२–००३ प ५१५९ नम्बरको मोटरसाइकल र विपरित दिशातर्फबाट आउँदै गरेको ना ५ ख ७७२७ नम्बरको ट्रक एकआपसमा ठोक्किएको थियो।
दुर्घटनामा घाइते भएका ठाकुरको प्रादेशिक अस्पताल जनकपुरधाममा उपचारको क्रममा मृ त्यु भएको प्रहरी प्र्रवक्ता प्रहरी नायव उपरीक्षक प्रकाश विष्टले जानकारी दिए।
त्यस्तै मोटसाइकलको पछाडि सवार मृतकका श्रीमती ३८ वर्षीया उर्मिला ठाकुर घाइते भएको र प्रादेशिक अस्पताल जनकपुरमा उपचार भइरहेको प्रहरीले जनाएको छ।
Discussion about this post