सप्तरीमा दुई वटा बालबिकास भवन हस्तान्तरण

अरुण कुमार यादव/सप्तरी/फागुन १७ गते। महाशिवरात्री पर्वको अवसर पारेर आज दुई वटा बालबिकास भवन हस्तान्तरण गरिएको छ ।

राजविराज नगरपालिका वडा नं. ९ स्थित जनता राष्ट्रिय प्राथमिक बिद्यालय गढीयामा सुबिधा सम्पन्न निर्माण भएको बालबिकास भवनको प्रमुख अतिथि राजबिराज नगरपालिकाका नगरप्रमुख शम्भु प्रसाद यादवले आज एक समहारोका बिच रिवन काटेर उद्घाटन गरेका छन ।

राजविराज नगरपलिकाको सहकार्य तथा डब्लु/एच/ एचको सहयोगमा सबल नेपालद्वारा संचालित बालबिकास भवन निर्माण कार्य सम्पन गरेको सबल नेपालका सिनियर म्यानेजर असोक साहले बताए ।

साहका अनुसार यहाा निर्माण कार्य सम्पन्न शौचालय सहित एक कोठे बालबिकास भवन आज आयोजित कार्यक्रमका बिच बिद्यालयलाई हस्तान्तरण गरेका छन ।

करिब रु ३० लाख ६५ हजार,३६४ रुपैयाको लागतमा एक कोठे बालबिकास भवन,हातधुने स्टशन, दुई कोठे शैचालय मर्ममत सम्भार, खानेपानी टुवेल, बिद्यार्थीहरुको सहज शिक्षाको लागि टिभी,फिल्टर लगायतका समानहरु राखिने बालबिकास भवन बनाइएको छ ।

वडा सदस्य चन्द्र यादवको अध्यक्षतामा सम्पन्न भएको कार्यक्रममा जनता राष्ट्रिय प्राथमिक बिद्यालय गढीयाका प्रअ श्यामसुन्दर पासवान र सबल नेपालका निर्देशक दिपक कुमार झा लगायतकाले कार्यक्रममा बोलेका थिए भने कार्यक्रम संचालन सबल नेपालका सिनियर म्यानेजर असोक साहले गरेका छन ।

यस्तै राजविराज नागरपलिका वडा नं. १० बिरोलस्थित जनक आधारभुत बिद्यालय समेत आजै एक समहारोका बिच हस्तान्तरण गरेका छन । एक कोठे बालबिकास भवन ,अपाङमैत्री दुई कोठे शैचालय बनाइएको छ ।
यहाा शुद्ध खानेपानी,हातधुने स्टेसन र पुरानो कक्षा मर्मत सम्भार गरेका छन ।

करिब रु ३६ लाख,६७ हजार ४३० रुपैया लागतमा उक्त कार्यहरु सम्पन्न गरेको जनाइएको छ । वडा अध्यक्ष सुशिल कुमार दासको अध्यक्षतामा सम्पन्न भएको कार्यक्रममा बिद्यालय ब्यवस्थापन समितिका अध्यक्ष सिताराम लाल दास लगायतकाले शुभकामना ब्यक्त गरेका छन ।

स्वागत मतब्य स्थानिय युवा नेता राजकुमार दासले गरेका थिए भने कार्यक्रम संचालन बिद्यालयका उमेश प्रसाद दासले गरेका थिए । यहाँ पनि बालबिकास भवनको प्रमुख अतिथि राजबिराज नगरपालिकाका नगरप्रमुख शम्भु प्रसाद यादवले आज एक समहारोका बिच रिवन काटेर उद्घाटन गरेका थिए ।