आफ्नो तस्विर दुरूपयोग गरेको भन्दै ट्रम्पसँग ७५ मिलियन डलर क्षतिपुर्ति माग

वासिंगटन डिसी/साउन ७ गते। २७ वर्षीय मेक्सिकन नागरिक ब्रान्डन ओर्टिज भाइटले अमेरिकी संघीय अदालतमा राष्ट्रपति डोनाल्ड ट्रम्पविरुद्ध मुद्दा दायर गरेका छन्।

उनले ट्रम्प बिरूद्द हालिएको मुद्दामा ७५ मिलियन डलर क्षतिपूर्ति, सार्वजनिक माफी र अमेरिकी नागरिकताको माग गरेका छन्।

ओर्टिज भाइट मिशिगनकी रुबी गार्सियाको हत्यामा दोषी ठहरिएका व्यक्ति हुन्। सन् २०२४ मा हत्याको मुद्दामा दोषी ठहर भए पछि उनी हाल ३९ देखि १०२ वर्षको जेल सजाय काटिरहेका छन्। उनले सन् २०२४ को राष्ट्रपतिको निर्वाचन अभियानका क्रममा ट्रम्पले आफ्नो मुद्दालाई राजनीतिक लाभका लागि प्रयोग गरेको आरोप लगाएका छन्।

ओर्टिज ह्वाइटले हातले लेखिएको उजुरीमा ट्रम्प र ह्वाइट हाउसका सञ्चार निर्देशक स्टिभन चेउङलाई प्रतिवादी बनाएका छन्। उनले चुनावी अभियानका क्रममा ट्रम्पले आफ्नो मुद्दालाई बारम्बार चर्चामा ल्याई आफूलाई राष्ट्रिय स्तरको चर्चाको पात्र बनाएको दाबी गरेकी छिन ।

मिसिगनको ग्रान्ड र्यापिड्समा आयोजित चुनावी अभियानको एक कार्यक्रममा ट्रम्पले ओर्टिज ह्वाइटलाई ‘अमेरिकाको समस्या’ भनेर टिप्पणी गरेका थिए। त्यसपछि, ओर्टिज ह्वाइटको ‘मगसट’ अर्थात प्रहरी रेकर्डको तस्बिर उनीहरूको चुनावी विज्ञापनमा प्रयोग गरियो।

ती विज्ञापनहरूले संयुक्त राज्य अमेरिकामा गैरकानुनी रूपमा बसोबास गर्ने मानिसहरूलाई ‘हत्यारा, बलात्कारी र लागुऔषध तस्कर’ का रूपमा चित्रण गरेका थिए।

ओर्टिज ह्वाइटलाई यसअघि पनि अमेरिकाबाट निष्कासन गरिएको थियो तर पछि उनी गैरकानुनी रूपमा पुनः देश प्रवेश गरेका थिए। त्यसपछि हत्या अभियोगमा उनी पक्राउ परेका थिए।