जनकपुरधाम/श्रावण १ गते । जनकपुरधामको कदम चोकमा रहेको नीलम सिनेमा हलको छेउमा अत्याधुनिक छाला उपचारसम्बन्धी सेवा प्रदान गर्ने उद्देश्यले ‘प्रिया फार्मेसी एण्ड स्किन केयर सेन्टर’ सञ्चालनमा आएको छ। शुक्रबार आयोजित एक कार्यक्रमबीच समाजसेवी सुर्यदेव गोढान यादवले रिबन काटेर सेन्टरको औपचारिक उद्घाटन गर्नुभएको हो।
अनुहारको छाला सम्बन्धि रोगको सेवा सहज रूपमा उपलब्ध गराउने उद्देश्यका साथ स्थापना गरिएको उक्त सेन्टरमा अनुहारको छाला जाँच, परामर्श तथा उपचार प्रदान गरिने सञ्चालक प्रिया यादव ले जानकारी दिनुभयो। उहाँका अनुसार स्थानीय बासिन्दालाई गुणस्तरीय छाला सम्बन्धी रोगको सेवा उपलब्ध गराउने लक्ष्यसहित करिब १० लाख रुपैयाँको लगानीमा सेन्टर सञ्चालनमा ल्याइएको हो।
सञ्चालक यादवले पछिल्लो समय अनुहारको छाला सम्बन्धी समस्या तथा गुणस्तरीय औषधिको आवश्यकता बढ्दै गएको उल्लेख गर्दै जनकपुरधामका नागरिकलाई सहज, भरपर्दो र विश्वासिलो सेवा दिने उद्देश्यले स्किन केयर सेवा सुरु गरिएको बताउनुभयो। उहाँले स्वास्थ्य सेवा व्यवसायलाई व्यापारभन्दा पनि सामाजिक उत्तरदायित्वका रूपमा लिएको उल्लेख गर्दै ग्राहकको विश्वास नै आफ्नो सबैभन्दा ठूलो सम्पत्ति हुने विश्वास व्यक्त गर्नुभयो।
अत्याधुनिक फेसर स्क्रिन एनालाइसिस मेसिनद्धारा फेसका छाला वैज्ञानिक पद्धतिबाट परिक्षण गरीने सञ्चालक यादवले बनाउनुभयो। यस मेसिनले छालाका नमी, तेलको मात्रा,पोर्स, पिग्मेन्टेसन, दाग, धब्बा, झुर्री, संवेदनशिलता तथा युभी क्षति लगायत विभिन्न पक्षहरुको विश्लेषण गरी परिक्षण प्रतिवेदनका अधारमा सेवागा्रहीको छालाका अवस्था अनुसार उपयुक्त उपचार र स्क्रिन केयर योजना तथा अवश्यम परामर्श सञ्चालक यादवले बताईन।
उद्घाटनको अवसरलाई विशेष बनाउँदै साउन १ गतेदेखि साउन १० गतेसम्म सेन्टरले अनुहारको छाला जाँचमा छुटको व्यवस्था गरेको छ। सेन्टरमा दैनिक जीवनमा आवश्यक पर्ने विभिन्न छाला हेरचाहसँग सम्बन्धित उत्पादनहरू उपलब्ध हुने जनाइएको छ। साथै अनुभवी जनशक्तिबाट सेवा प्रदान गरिने भएकाले सेवाग्राहीले गुणस्तरीय र विश्वसनीय सेवा प्राप्त गर्ने विश्वास सञ्चालक पक्षले व्यक्त गरेको छ। प्रिया फार्मेसी एण्ड स्किन केयर सेन्टर हरेक दिन बिहान ९ बजेदेखि साँझ ७ बजेसम्म सञ्चालन हुने जानकारी दिइएको छ। सेवाग्राहीको आवश्यकतालाई ध्यानमा राखेर आगामी दिनमा सेवा विस्तार गर्ने योजना पनि रहेको सञ्चालक यादवले बताउनुभयो।
उद्घाटन समारोहमा डा.रंजन यादव लगाय स्थानीय समाजसेवी, व्यवसायी तथा शुभेच्छुकहरूले उपस्तिथि रहेको थियो। स्थानीय स्तरमै गुणस्तरीय स्वास्थ्य परामर्श तथा स्किन केयर सेवा उपलब्ध हुन थालेपछि जनकपुरधामका बासिन्दाले उपचारका लागि अन्यत्र धाउनुपर्ने अवस्था केही हदसम्म कम हुने अपेक्षा गरिएको छ। विशेषगरी स्वास्थ्य सेवामा विश्वास, सहज पहुँच र गुणस्तरीय सेवाको खोजीमा रहेका सेवाग्राहीका लागि यो सेन्टर उपयोगी गन्तव्य बन्ने विश्वास सञ्चालकले व्यक्त गरेका छन्।
Discussion about this post