बेइजिङ/असार २७ गते। चीनले अन्तरिक्ष प्रविधिमा ठूलो सफलता हासिल गरेको छ। उसले पहिलो पटक समुद्रमा रकेट बुस्टरको सुरक्षित अवतरणको सफल परीक्षण गरेको छ।
चीनले शुक्रबार दक्षिणी प्रान्त हाइनानबाट ‘लङ मार्च १०बी’ रकेट प्रक्षेपण गर्यो। उडान भरेको करिब ६ मिनेट पछि बुस्टर मुख्य रकेटबाट अलग भयो र समुद्रमा रहेको एउटा प्लेटफर्ममा नियन्त्रित रूपमा अवतरण गर्यो, जहाँ एउटा विशेष जालीले त्यसलाई सुरक्षित रूपमा समात्यो।
चिनियाँ सरकारी सञ्चारमाध्यमका अनुसार यसरी नियन्त्रित तरिकाले रकेट बुस्टरलाई फिर्ता ल्याइएको यो देशको पहिलो सफल परीक्षण हो। विज्ञहरूका अनुसार यदि प्रत्येक प्रक्षेपण पछि रकेट बुस्टरहरूलाई पुनः प्रयोग गर्न सकियो भने अन्तरिक्ष अभियानको लागत उल्लेख्य रूपमा घट्नेछ र प्रक्षेपणको आवृत्ति बढ्ने उनीहरूको भनाई छ ।
Discussion about this post