एआई मोडेलहरूलाई तालिम दिने बिज्ञलाई २.७२ करोड तलब, खोजी गर्दैछ बिज्ञ

काठमाडौं/असार २६ गते। एआईले कोडिङ, ग्राहक समर्थन र अनुसन्धानजस्ता कार्यहरू गर्ने तरिकालाई पूर्ण रूपमा परिवर्तन गरेको छ र अब यसको प्रभाव लगानी बैंकिङमा विस्तार भइरहेको छ।

मिडिया रिपोर्टहरूका अनुसार च्याटजीपीटी च्याटबोट पछाडिको कम्पनी ओपनएआईले लगानी बैंकरहरूलाई सहयोग गर्न डिजाइन गरिएको नयाँ एआई मोडेल विकास गरिरहेको छ। कम्पनीले यो मोडेललाई तालिम दिनको लागि एक लगानी बैंकिङ विशेषज्ञ खोजिरहेको छ र यस भूमिकाको लागि लगभग २ करकरोड ७२ लाखको न्युनत्तम तलब दिने भएको छ।

यस भूमिकाका लागि ओपन एआई ले लगानी बैंकिङ क्षेत्रमा दुई वर्षको अनुभव भएका उम्मेदवारको खोजी गरिरहेको छ । विशेष गरी कम्पनी तथा उद्योग सम्बन्धी अनुसन्धान, वित्तीय विश्लेषण, मूल्यांकन, सम्झौता कार्यान्वयन र ग्राहक प्रस्तुतीकरण तयारी जस्ता कार्यहरूमा अनुभव भएका व्यक्तिहरू यसका लागि उपयुक्त हुनेछन्। ओपन एआई मा ती उम्मेदवारले वास्तविक बैंकिङ कार्यहरू गर्ने छैनन् । बरु, उनीहरूको भूमिकामा नयाँ एआई मोडेललाई तालिम दिने र त्यसको मूल्यांकन गर्ने कार्य समावेश हुनेछ। लगानी बैंकरहरूले कसरी आफ्नो काम गर्छन् भन्ने कुरा एआई मोडेललाई सिकाउने जिम्मेवारी ती विज्ञको हुनेछ।

यो मोडल पूर्ण रूपमा विकास भई सर्वसाधारणका लागि उपलब्ध गराइए पछि यसले लगानी बैंकरहरूको रोजगारीमा कस्तो प्रभाव पार्नेछ, त्यो हेर्न बाँकी नै छ। सुरुमा कम्पनीहरूले एआईलाई आफ्नो कार्य बलमा सहयोगी साधनका रूपमा समावेश गर्छन् तर कालान्तरमा त्यही प्रविधिले कर्मचारीलाई उनीहरूको कामबाट विस्थापित गर्छ, अन्य क्षेत्रहरूमा पनि यस्ता अनेकौं उदाहरणहरू देखिएका छन्।

ओपनएआई लगायत एआई कम्पनीहरूले अब वित्तीय सेवाहरूमा ध्यान केन्द्रित गरिरहेका छन्। ओपनएआईले लगानी बैंकरहरूको लागि नयाँ मोडेल विकास गरिरहेको बेला यसको प्रतिद्वन्द्वी एन्थ्रोपिकले हालै वित्तीय संस्थाहरू भित्र दोहोरिने कार्यहरूलाई स्वचालित गर्न सक्षम धेरै एआई एजेन्टहरू सुरू गरेको छ। एन्थ्रोपिकले भन्छ कि वित्तीय सेवाहरू अब प्रविधि क्षेत्र पछि यसको दोस्रो ठूलो उद्यम व्यवसाय बनेको छ।

एआई कम्पनीहरूले वित्तीय सेवाहरू सुरु गर्ने काम गरिरहेका बेला प्रमुख लगानी बैंकहरूले पनि प्रविधिमा ठूलो लगानी गरिरहेका छन्। जेपी मोर्गनले प्रविधिमा वार्षिक १८ अर्ब अमेरिकी डलर खर्च गरिरहेका छन, जसको एक महत्वपूर्ण भाग एआईलाई छुट्याइएको छ । त्यस्तै गरी, गोल्डम्यान साक्सले प्रविधिमा प्रति वर्ष ६ अर्ब अमेरिकी डलर लगानी गरेका छन् ।