एउटा तेलगु फिल्म, जसले १,२९१ प्रतिशत नाफा कमाएर बनायो रेकर्ड

हैदारावाद/असार १९ गते। सन् २०२६ को ६ महिना बितिसकेको छ र यस अवधिमा थुप्रै चलचित्रहरू प्रदर्शनमा आएका छन्, जस मध्ये कतिपय सफल भए भने कतिपय असफल रहेका थिए ।

तर, यस वर्ष दक्षिण भारतीय चलचित्र उद्योगले विशेष सफलता हासिल गरेको छ । वास्तवमा दक्षिण भारतका कम बजेटका चलचित्रहरूले बलिउडका समकक्षी चलचित्रहरूको तुलनामा बढी नाफा कमाएका छन्। यहाँ हामी सन् २०२६ का सबैभन्दा बढी नाफा कमाउने तेलुगु चलचित्रहरूबारे चर्चा गर्नेछौं, ती चलचित्रहरू जसले नाफाको हिसाबले प्रभास र चिरञ्जीवी अभिनित चलचित्रहरूलाई समेत पछाडि पारेका छन्।

कुरा भइरहेको तेलुगु चलचित्र अश्विन चन्द्रशेखरद्वारा निर्देशित एक रोमान्टिक ड्रामा हो । यसमा न त कुनै ठूला कलाकारहरूको उपस्थिति छ, न त यसको निर्माणमा ठूलो बजेट नै खर्चिएको छ, तैपनि, यसले सिनेमा हल र ओटीटी दुवै प्लेटफर्ममा दर्शकहरूबाट व्यापक प्रशंसा बटुल्यो। यो चलचित्र त्यस वर्षको सबैभन्दा बढी नाफा कमाउने तेलुगु चलचित्र बन्न सफल भयो, चलचित्र हो ‘कपल फ्रेन्डली’।

‘कपल फ्रेन्डली’को बक्स अफिस प्रदर्शनको कुरा गर्दा सकनिल्कका अनुसार यस चलचित्रको कुल ग्रस कलेक्सन १३.९१ करोड रुपैयाँ र भारतमा खुद (नेट कलेक्सन) १०.८४ करोड भारतीय रुपैयाँ रहेको थियो  । साथै यसले विदेशी बजारमा १.६० करोड रुपैयाँ कमाएको थियो। यस चलचित्रले तेलुगु संस्करणमा उल्लेख्य व्यापार गरेको थियो।

तेलुगु चलचित्र ‘कपल फ्रेन्डली’ को नाफाको कुरा गर्दा समाचारहरुमा उल्लेख भए अनुसार यो चलचित्र १ करोड रुपैयाँको बजेटमा निर्माण गरिएको थियो भने यसको विश्वव्यापी कमाइ १३.९१ करोड रुपैयाँ पुगेको थियो। यसरी हेर्दा चलचित्रले १ हजार २९१ प्रतिशत नाफा कमायो । नाफाको यस्तो स्तर जुन चिरञ्जीवी र प्रभासजस्ता कलाकारहरूका चलचित्रले समेत हासिल गर्न सकेका थिएनन्।