महोत्तरी/चैत १० गते। महोत्तरी जिल्लाको मटिहानी नगरपालिकाको वडा नं.८ को २ तल्ले वड़ा कार्यालयको प्रशासनिक भवनको समुद्घाटन गरिएको छ ।
यसै क्रममा एक समारोह बीच मटिहानी नगरपालिकाका नगर प्रमुख हरि प्रसाद मंडल र वड़ा नं.८ का वड़ा अध्यक्ष रितेश कुमार साहले संयुक्त रुपमा सो वड़ा कार्यालय भवनको समुद्घाटन गरेका छ्न ।
त्यसै क्रममा बोल्दै प्रमुख मंडलले स्थानीय सरकार आए पछि बिबिध कारणबस अहिले सम्म वड़ा कार्यालय भवन निर्माण हामीले गर्न सकेका थिएनौ र आज सो वड़ा कार्यालय भवन निर्माणले जनतालाई सेवा दिन सहज हुने विश्वास ब्यक्त गरेका छन ।
उक्त वड़ा कार्यालय भवन निर्माणका लागि कार्यपालिका सदस्य अरुण नाहरले करिब १६ धुर भन्दा बढ़ी जग्गा उपलब्ध गराएका छन।
सो २ तल्ले वड़ा कार्यालय भवनको निर्माण नेपाल सरकारको सम्पूरक अनुदान र मटिहानी नगरपालिकाको रु. ९५,११,२२७ (मु.अ. कर समेत) को लागतमा निर्माण भएको जसमा ४ वटा कोठा, एउटा सभा हल, टॉयलेट बाथरूम समेत रहने कुरा मटिहानी नगरपालिकाका इंजीनियर बिमलेश साहले बताएका छ्न ।
सो वड़ा कार्यालय भवनको समुद्घाटन कार्यक्रममा नगर उप-प्रमुख मंजु देवी साह, वड़ा नं.३,५,६,७, ८ र ९ का वड़ा अध्यक्षहरु क्रमशः नाजिर मिया, मिश्री नायक,कलीम अंसारी,जितनारायन माझी र मदन चौधरी, मटिहानी गा.वि.स. अध्यक्ष राम कुमार मंडल, पूर्व उपाध्यक्ष उपेन्द्र चौधरी, महोत्तरी उद्योग वाणिज्य संघका उपाध्यक्ष अजय कुमार साह,सचिव विजय कुमार साह,सदस्य राम कुमार साह,पूर्व उपाध्यक्ष नागेश्वर गुप्ता, बिभिन्न राजनीतिक पार्टीका प्रतिनिधि श्याम कुमार मंडल, उमाशंकर साह, जुगेश्वर खतवे, राजकिशोर मंडल, बिन्देश्वर नायक, लगायतका स्थानीयहरुको उपस्थिति रहेको थियो ।
Discussion about this post