मैथिली सिनेमा ‘कलकतियावाली’ पुष ४ देखि जनकपुरधाममा प्रदर्शन

जनकपुरधाम । मैथिली सिनेमा ‘कलकतियावाली’ ठुलो पर्दामा देखिने भएको छ। उक्त चलचित्र आउँदो पुष ४ गते (शुक्रबार) देखि जनकपुरधामस्थित आशा टाकिजमा प्रदर्शन हुने भएको हो। अरुण बिजैयाको निर्देशनमा मैथिली सिनेमा ‘कलकतियावाली’ बनेको छ।

पत्रकार सम्मेलन गरेर समाजका यथार्थ समस्या र विसङ्गतिलाई मनोरञ्जनसँगै सशक्त सन्देशका रूपमा प्रस्तुत गरिएको यस चलचित्रमा अविनाश झा, रामनारायण ठाकुर, ईसिका भुजेल, श्याम, सञ्जय राउत, बैधनाथ साह लगायत कलाकारहरूको अभिनय रहेको बताएका छन । करिब २ घण्टा १५ मिनेट लामो यस सिनेमा नेपाल चलचित्र विकास बोर्ड बाट सेन्सर पास भइसकेको निर्माण पक्षले जनाएको छ।

जनकपुरधामपछि मिथिलाञ्चलका अन्य जिल्लामा समेत चलचित्र प्रदर्शन गर्ने तयारी भइरहेको जानकारी दिँदै निर्माण पक्षले मैथिली भाषा, कला र संस्कृतिलाई ठुलो पर्दामा प्रभावकारी रूपमा प्रस्तुत गर्ने अपेक्षा राखिएको जनाएको छ।