जनकपुरधाम । मधेस प्रदेशका मुख्यमन्त्री सरोज कुमार यादवले १५ दिनपछि तीन मन्त्रीहरूको कार्य विभाजन गरेका छन् ।
मुख्यमन्त्री यादवले संविधानको धारा १६८ को उपधारा ९ अनुसार गत कात्तिक २३ गते नियुक्त भएका मन्त्रीहरूको कार्य विभाजन गरेका हुन् । मुख्यमन्त्री कार्यालयका निमित्त सचिव शत्रुधन यादवका अनुसार मन्त्री लखनदास तत्माले ऊर्जा सिँचाइ तथा खानेपानी मन्त्री र विमला अन्सारीले गृह सञ्चार तथा कानुन मन्त्रालयको जिम्मेवारी पाएका छन् । त्यसैगरी कञ्चन विच्छाले वन तथा वातावरण मन्त्रालयको जिम्मेवारी पाएका छन् ।बाँकी मन्त्रालय भने मुख्यमन्त्री यादव आफैले राखेका छन् ।
संविधानको धारा १६८ को उपधारा ३ अनुसार नेकपा एमाले संसदीय दलका नेता यादवलाई तत्कालीन प्रदेश प्रमुख सुमित्रा सुवेदी भण्डारीले मुख्यमन्त्री नियुक्त गरेपछि अहिले यस विषयको मुद्दा सर्वोच्च अदालतमा विचाराधीन छ।
Discussion about this post