गिरिजानन्द साह/जनकपुरधाम/कार्तिक ८ गते । नेकपा (एमाले) मधेश प्रदेशले पार्टीलाई पूर्ण रूपमा डिजिटल, पारदर्शी र प्रविधिमैत्री बनाउने उद्देश्यसहित cpnumlmadhesh.org नामक नयाँ आधिकारिक वेबसाइट सार्वजनिक गरेको छ। सो वेबसाइटको औपचारिक उद्घाटन एमाले मधेश प्रदेशका अध्यक्ष चन्देश्वर मण्डलले गरेका छन्। 
अध्यक्ष मण्डलका अनुसार cpnumlmadhesh.org मधेश प्रदेशमा एमालेको डिजिटल रूपान्तरण (Digital Transformation) अभियानअन्तर्गत सबैभन्दा दीर्घकालीन र महत्वपूर्ण परियोजना हो। यो प्रणालीले एमालेलाई प्रदेशकै सबैभन्दा संगठित, पारदर्शी र टेक्नोलोजी–सक्षम राजनीतिक शक्तिमा बदल्ने विश्वास गरिएको छ।
वेबसाइटका प्रमुख डिजिटल सुविधाहरु प्रदेश, जिल्ला र स्थानीय तहका गतिविधि तथा निर्णयहरू एक क्लिकमै हेर्न सकिने। जनप्रतिनिधिहरूका योजना, काम, रिपोर्ट तथा सम्पर्कसूची पारदर्शी रूपमा उपलब्ध हुने । पार्टीका निर्देशन, प्रेस विज्ञप्ति, कार्यक्रम तथा कागजातहरूको डिजिटल संग्रहालय Online Membership, Volunteer Registration र Reporting Dashboard जस्ता आधुनिक प्रणाली भएको। साधारण सदस्यले प्रदेश नेतृत्वसम्म प्रत्यक्ष रुपमा सुझाव पठाउन सक्ने सुविधा उपलब्ध हुनेछ। साथै प्रत्येक जिल्लाको छुट्टै डिजिटल पेज, जहाँ स्थानीय गतिविधि, नेतृत्व विवरण तथा संगठनगत रिपोर्टिङ हेर्न सकिने व्यवस्था रहेको छ।
पार्टीका अनुसार नयाँ वेबसाइट एमालेको राजनीतिक टेक्नोलोजीमा नयाँ मोड हो जसले डेटा–आधारित निर्णय क्षमता,लक्षित डिजिटल अभियान सञ्चालन,स्मार्ट जनसम्पर्क र सेवा वितरण र डिजिटल प्रतिस्पर्धामा अग्रस्थान जस्ता क्षेत्रमा UML लाई थप सक्षम बनाउनेछ।
एमालेले एकीकृत डिजिटल प्लेटफर्मका कारण कार्यकर्ता, नेता र नागरिक सबै एउटै नेटवर्कमा जोडिने उल्लेख गर्दै यो प्रणालीले संगठनात्मक पारदर्शिता, योजनाको अनुगमन तथा जनसम्पर्क क्षमतामा उल्लेखनीय वृद्धि ल्याउने बताएको छ।
मधेस प्रदेशका अध्यक्ष चन्देश्वर मण्डलले वेबसाइट सार्वजनिक गर्दै भने “cpnumlmadhesh.org एमाले मधेश प्रदेशको डिजिटल भविष्यको आधारशिला हो। अब हाम्रो संगठन डेटा, प्रविधि र पारदर्शितामा आधारित भएर जनताको मन जित्न र मधेशको विकासका लागि अझ सशक्त बन्नेछ।”
पार्टीले cpnumlmadhesh.org लाई एमाले मधेश प्रदेशको डिजिटल युगको औपचारिक सुरुवातको रूपमा व्याख्या गरेको छ। सार्वजनिक कार्यक्रममा प्रेस चौतारी नेपालका केन्द्रीय सदस्य अवधेश कामतसहित पार्टीका विभिन्न नेता तथा पत्रकारहरूको उपस्थिति थियो।
Beta feature
Beta feature
Discussion about this post