सीताराम गौशाला जनकपुरद्वारा जानकी मन्दिरमा १११ मिटरको चुनरी माता सीतालाई अपर्ण

मङ्सिर ७ गते। जनकपुरधामको जानकी मन्दिरमा १११ मिटरको चुनरी चढाइएको छ । आइतबार सीताराम गौशाला जनकपुरधामको आयोजनामा १११ मटिर लामो चुनरी माता सीतालाई अपर्ण गरिएको छ ।

जनकपुरधामको गौशालाबाट लावालस्कर सहित निकालिएको र्यालीले जनकपुरधामको विभिन्न चोकहरुको परिक्रमा गर्दै जानकरी मन्दिरको गर्भ गृहमा अवस्थित माता सीताको मुर्तिमा सो चुनरी अपर्ण गरिएको सीताराम गौशाला जनकपुरधामका अध्यक्ष मनोज रुङ्गटाले जानकारी दिए । उनले गत वर्ष १०८ मिटरको चुनरी माता सीतालाई चढाइएकोमा यस वर्ष १११ मिटरको चुनरी चढाएको बताए ।

उनले नेपालको विकास र शान्तिका लागि माता सीतालाई चुनरी अपर्ण गरेको बताए । प्रत्येक वर्ष चुनरी चढाउने कार्यक्रम गर्ने उनले बताए । चुनरी अपर्ण गर्न एक हजार भन्दा बढी श्रद्धालु भक्तजनहरुको उपस्थित रहेको थिए । गत वर्ष भारतको सुरतबाट आएका जिन माता ट्रष्टले चुनरी अपर्ण कार्यक्रम पहिलो पटक जनकपुरधाममा गरेको थियो ।