मधेश प्रदेशका नयाँ मुख्यमन्त्रीमा जितेन्द्र सोनल नियुक्त

जनकपुरधाम/असोज २९ गते । मधेश प्रदेशको चौथो मुख्यमन्त्रीका रूपमा लोकतान्त्रिक समाजवादी पार्टी (लोसपा) का प्रदेश सांसद जितेन्द्र प्रसाद सोनल नियुक्त भएका छन्।

प्रदेश प्रमुख सुमित्रा सुवेदी भण्डारीले बुधवार संविधानको धारा १६८ को उपधारा (२) बमोजिम सोनललाई नयाँ मुख्यमन्त्रीमा नियुक्त गरेकी हुन्। उनले बुधवार बिहान नेपाली कांग्रेस र एमाले बाहेकका ६ दलका ५६ जना प्रदेश सांसदहरूको समर्थनसहित मुख्यमन्त्रीका लागि दाबी पेश गरेका थिए।

प्रदेश प्रमुख भण्डारीले नयाँ नेतृत्वका लागि बुधवार साँझ ४ बजे सम्मको समयसीमा तोकिएकी थिइन्। त्यसअघि सोनलले आवश्यक समर्थन जुटाएर दाबी पेश गरेपछि उनलाई मुख्यमन्त्रीको जिम्मेवारी दिइएको हो। उनी मधेशको पहिलो एतिहासिक लालबाबु राउत नेतृत्वको सरकारमा तत्कालिन राजपा पार्टीको नेतृत्व गर्दै मन्त्री परिषदमा दोस्रो बरियतामा रहि भौतीक पुर्वाधार तथा यातायात मन्त्रीको रुपमा काम गरेका थिए ।

उनी बाराबाट लगातार दोस्रो पटक निर्वाचित प्रत्यक्ष प्रदेशसभा सदस्य हुन । लोसपाका संसदिय दलको नेता भएर समेत काम गरिसकेका सोनल संघिय सांसदमा पनि सदस्य रहिसकेका छन् ।