गिरिजानन्द साह/जनकपुरधाम/भदौ २३ गते। अगामी असोज २ र ३ गते धनुषा जिल्ला मिथिला विहारी नगरपालिकाको मिथिलेश्वर मौवाही स्थित कल्चर भिलेजमामा ‘नेपाल सर्प महोत्सव’ को तेस्रो संस्करण आयोजना हुने भएको छ ।
सर्प संरक्षण, सर्पदंश व्यवस्थापन र मानव–सर्प बीच सह-अस्तित्व प्रवर्द्धन गर्ने उद्देश्यका साथ ‘नेपाल सर्प महोत्सव’ को तेस्रो संस्करण आयोजना हुन लागेको हो।
सेभ द लिवस सोसाईटी तथा मिथिला वाईल्डलाईफ ट्रष्टको आयोजनामा हुन गइरहेको सो महोत्सवमा सर्प र त्यसको प्रजाति बारे वृहत जानकारी, सर्पको टोकाई बाट बच्न तथा टोकि सकेपछिको प्राथमिक उपचार तथा सर्प पक्रन अपनाइने विधिहरु सहितका जानकारी र प्रस्तुती हुने ट्रष्टका अध्यक्ष देव नारायण मण्डलले जानकारी दिएका छन् ।
यसअघि पहिलो संस्करण २०८० साल असार ४ र ५ गते बागमती प्रदेशको नवलपुर जिल्लाको कावासोतीमा र दोस्रो संस्करण २०८१ साल साउन १२ र १३ गते लुम्बिनी प्रदेशको रुपन्देही जिल्लाको तिलोत्तमामा सम्पन्न भएको थियो।
सर्पको संरक्षक गर्नुपर्छ, सर्पले किन टोक्छ, सर्प र मानव बिचको सौहाद्रता र अपनत्व कसरी बढछ, सर्प सहितका जिवहरुको पनि बाँच्न पाउने अधिकार छ र यिनलाई कसरी वातावरण मैत्री बनाउने भन्ने ज्ञान मुलक आयोजन समेत रहेकाले सहभागिताका लागि सोसाइटीका अध्यक्ष कमल देवकोटाले आग्रह गरेका छन् ।
कार्यक्रमका आयोजक सेभ द लाइभ्स सोसाइटी का अध्यक्ष कमल देवकोटा र मिथिला वाइल्डलाइफ ट्रस्ट का अध्यक्ष देव नारायण मण्डलले सर्पको पारिस्थितिक, चिकित्सकीय, धार्मिक तथा सांस्कृतिक महत्वलाई ध्यानमा राख्दै महोत्सवले सर्प संरक्षणमा महत्वपूर्ण योगदान पुर्याउने विश्वास व्यक्त गरेका छन्।
महोत्सवमा सहभागिताका लागि नेपालका विभिन्न स्थानका सर्प संरक्षणविद्, विज्ञ तथा सरोकारवाला लगायत सम्पुर्ण जनसमुदायलाई आमन्त्रण गरिएको छ।
Discussion about this post