गिरिजानन्द साह/जनकपुरधाम/असार ३२ गते ।गुणस्तरीय शिक्षा प्रवर्द्धन गर्ने उद्देश्यका साथ जनकपुरधाममा विद्यार्थी, अभिभावक र शिक्षकबीच त्रिपक्षीय अन्तरक्रिया कार्यक्रम सम्पन्न भएको छ।
शिक्षा तथा संस्कृति मन्त्रालय, मधेस प्रदेशको आयोजनामा सम्पन्न उक्त अन्तरक्रिया कार्यक्रममा धनुषा र महोत्तरी जिल्लाका विद्यालयहरूबाट सहभागी प्रतिनिधिहरूको सक्रिय उपस्थिति रहेको थियो।
कार्यक्रममा विद्यार्थी, अभिभावक र शिक्षकहरूबीच शिक्षाको गुणस्तर, शिक्षकको भूमिका, विद्यार्थीको अनुशासन, अभिभावकको निगरानी लगायत विविध पक्षमा खुलेर छलफल गरिएको थियो। सहभागीहरूले शिक्षामा गुणस्तर अभिवृद्धिका लागि सबै सरोकारवाला पक्षको सामूहिक प्रयास आवश्यक रहेको धारणा राखे।
मधेस प्रदेश सरकारका शिक्षा तथा संस्कृति मन्त्रालयका अधिकारीहरूले शिक्षाको वर्तमान अवस्था सुधार गर्न यस्ता अन्तरक्रियात्मक कार्यक्रमले महत्वपूर्ण भूमिका खेल्ने विश्वास व्यक्त गरे।
कार्यक्रमले अभिभावक, शिक्षक र विद्यार्थीबीच पारदर्शिता, विश्वास र सहकार्यको सम्बन्ध थप प्रगाढ बनाउने अपेक्षा लिइएको छ ।
Discussion about this post