श्री महाविर युवा किमिटिको अध्यक्षमा दिपक साह (मिन्टु) निर्वाचित

गिरिजानन्द साह/फागुन २४ गते। जनकपुरधामको प्रतिष्ठित श्री महाविर युवा कमिटीको नयाँ नेतृत्व चयन गर्ने निर्वाचन सम्पन्न भएको छ। अध्यक्ष पदका लागि भएको प्रतिस्पर्धामा दिपक साह मिन्टु विजयी भएका छन्। कुल ४०७ मतदाता रहेको निर्वाचनमा ३४० मत खसेको थियो।

दिपक साह (मिन्टु) ले १७१ मत प्राप्त गर्दै अध्यक्ष पद जितेका हुन्, भने उनका निकटतम प्रतिद्वन्द्वी दिपनारायण साहले १६७ मत प्राप्त गरे। उनीहरूबीचको जित र हारको अन्तर केवल ४ मतको रहेको छ।

अन्य निर्वाचित पदाधिकारीहरू

उपाध्यक्ष: अनिल कुमार साह विजयी (२१६ मत), निकटतम प्रतिस्पर्धी रञ्जित कुमार साह (१११ मत) र सतिश चन्द्र साह (१२ मत)।

महासचिव: भरत कुमार साह निर्वाचित (१५५ मत), प्रतिस्पर्धी रञ्जन जयसवाल (१११ मत) र सन्तोष कुमार साह (७१ मत)।

सचिव: प्रदिप कुमार साह विजयी (१५५ मत), निकटतम प्रतिद्वन्द्वी मनोज कुमार भगत (१०८ मत) र भुल्ला कुमार नागवंशी (७५ मत)।

कोषाध्यक्ष: अनिल कुमार प्रसाद पण्डा निर्वाचित (२२६ मत), निकटतम प्रतिस्पर्धी नितेश जयसवाल (११४ मत)।

श्री महाविर युवा कमिटीको नेतृत्व चयनका लागि पाँच पदाधिकारी तथा छ कार्यकारी सदस्य गरी कुल ११ सदस्यीय कार्यसमिति गठन गर्न निर्वाचन सम्पन्न भएको थियो। विभिन्न पदहरूका लागि २० जना उम्मेदवार प्रतिस्पर्धामा थिए। अध्यक्षमा २, उपाध्यक्षमा ३, महासचिवमा ३, सचिवमा २, कोषाध्यक्षमा २ तथा ६ सदस्य पदका लागि ८ उम्मेदवार चुनावी मैदानमा थिए।

जनकपुरधामको प्रसिद्ध श्री राम मन्दिर तथा श्री राजदेवी मन्दिरको व्यवस्थापन तथा संरक्षणको सम्पूर्ण जिम्मेवारी महाविर युवा कमिटीको जिम्मामा रहेको छ। नव निर्वाचित कार्यसमितिले मन्दिरको व्यवस्थापन तथा धार्मिक गतिविधिहरूलाई अझ प्रभावकारी बनाउन प्रतिबद्धता व्यक्त गरेको छ।