गिरिजानन्द साह/असोज २४ गते। जनकपुरधामको भानुचोक र शिवचोकको बीचमा नयाँ शिशु सामग्री केन्द्र ‘मम्स केयर बेबी मार्ट’ सञ्चालनमा आएको छ। जनकपुरधाम उद्योग वाणिज्य संघको नजिक रहेको यो मार्ट युवा व्यवसायी विकास कुमार साहले सञ्चालनमा ल्याएका हुन्।
‘मम्स केयर बेबी मार्ट’को उद्घाटन विकाश साहका छोरा रिसव बिभान र छोरी युविका साहले संयुक्त रूपमा रिबन काटेर गरे। कार्यक्रममा जनकपुरधाम उद्योग वाणिज्य संघका अध्यक्ष सुरेन्द्र भण्डारी,जनकपुरधाम उद्योग बाणिज्य संघका बरिष्ठ उपाध्यक्ष मनोज साह,लायन्स क्लबका पुर्व अध्यक्ष विध्याकर प्रसाद साह जनकपुरधाम उपमहानगरपालिकाका निवर्तमान मेयर लालकिशोर साह,जनकपुर जेसिसका पुर्व अध्यक्षहरु,लायन्स क्लव अफ जनकपुरधामका पुर्व अध्यक्षहरु लगायत व्यवसायी विकास कुमार साहका शुबेक्क्षकहरुको प्रमुख उपस्थिति रहेको थियो।
‘मम्स केयर बेबी मार्ट’ करिब ३० लाख रुपैयाँको लागतमा स्थापना गरिएको हो। यस मार्टले शिशु तथा साना बालबालिकाको हरेक आवश्यकता पूर्ति गर्ने उद्देश्यका साथ सेवा प्रदान गर्ने व्यवसायी विकाश साहले बताए । मार्टमा बालबालिकाका सम्पूर्ण सामग्री उपलब्ध हुने जानकारी गराउँदै, स्थानीय ग्राहकलाई गुणस्तरीय सेवाको सुनिश्चितता दिने व्यवसायी साहले बताए। यस मार्टमा विशेषगरी शिशुका लागि आवश्यक कपडा, खेलौना, खानपान सामग्री, स्किन केयर, फर्निचर, शैक्षिक सामग्री लगायतका विभिन्न उत्पादनहरू उपलब्ध छन्।
Discussion about this post