जनकपुरधाम/भदौ ३० गते। जनकपुरधाम उद्योग वाणिज्य संघको महिला उपाध्यक्ष पदमा रिंकु साह भारी मतान्तरले निर्वाचित भएकी छन् ।
सम्पन्न अन्तिम मतपरिणाम अनुसार आफ्ना प्रतिस्पर्धी माया साहलाई ५२८ मतले पराजित गर्दै रिंकु विजयी भएकी छन् । साह १ हजार ६७२ मत ल्याएर विजयी भएकी हुन् । उनका प्रतिस्पर्धी माया साहले १ १४४ र सरिता ठाकुरले ६५५ मत पाएकी छन् । महिला उपाध्यक्षमा ७४ वटा मत बदर भएको निर्वाचन समितिका अध्यक्ष ललित कुमार साहले जानकारी दिए ।
संघको अध्यक्षमा सुरेन्द्र भण्डारी केहीबेर निर्वाचित भइसकेका छन् । उपाध्यक्ष पदमा भने लक्ष्मण साह यसअघि नै निर्विरोध निर्वाचित भएका छन् । संघको सम्वद्व सदस्यमा रेडिमेड संघका अभय मुरारका निर्वाचित भइसकेका छन् । रेडिमेड, सुनचाँदी र पोल्ट्रिर्फम गरि तिन बस्तुगत मतदाता रहेको सो सदस्यका लागि रेडिमेडबाट मुरारका र एकजना सुनचाँदीबाट दुईजना उम्मेदवार थिए । पोल्ट्रिर्फमले रेडिमेडलाई मत दिएपछि मुरारका विजयी भएका हुन् ।
जनकपुरधाम उद्योग वाणिज्य संघको नयाँ नेतृत्वका लागि भएको निर्वाचनमा जम्मा ४०७६ जना मतदाता थिए । शनिबार भएको मतदानमा ३५७४ मत खसेको थियो ।
Discussion about this post