सुनसरीबाट स्रोत नखुलेको नगदसहित एकजना पक्राउ

सुनसरी/जेठ २० गते। सुनसरीबाट स्रोत नखुलेको १ करोड रुपैयाँसहित १ जना पक्राउ परेका छन् । पक्राउ पर्नेमा हरिनगर गाँउपालिका५ बस्ने अन्दाजी वर्षीय ३७ ईसा अन्सारी रहेका छन् ।

घुस्की नाकाबाट हरिनगरतर्फ जाँदै गरेको बा १६ च ७६१३ नम्बरको कारलाई शंका लागेर चेकजाँच गर्दा बोरामा लुकाइछिपाइ राखेको रकम बरामद भएको सशस्त्र प्रहरी बलका सहप्रवक्ता डीएसपी शैलेन्द्र थापाले जानकारी दिए ।बरामद भएको रकममा १ हजार दरको नोट ९ हजार ७ सय थान (९७ लाख) र ५ सय दरको ८ सय थान (४ लाख( रहेको छ ।

डीएसपी थापका अनुसार प्रारम्भिक सोधपुछमा अन्सारीले रकमको स्रोत खुलाउन सकेका छैनन् । उनीमाथि थप अनुसन्धान गरिरहेको प्रहरीले जनाएको छ ।