धनुषामा आगलागी हुँदा ६ लाख रुपैयाँ भन्दा बढीको धनमाल क्षति,ज्वाइँले आगो लगाएको आरोप

बैशाख १५ गते। धनुषाको हंसपुर नगरपालिकाको एक घरमा आगलागी हुँदा ६ लाख रुपैयाँ भन्दा बढीको धनमाल क्षति भएको छ । धनुषाको हंसपुर नगरपालिका २ बघचौडाका स्थानीय श्यामनाथ साहको सामान राख्ने घरमा शुक्रबार राति साढे १० बजे आगलागी भएको हो ।

आगलागीबाट घरमा रहेको टेन्ट हाउसको सामान, बाजा, लत्ताकपडा, अन्नपात, नगद गरी गरी ६ लाख १० हजार रुपैयाँको धनमाल क्षति भएको जिल्ला प्रहरी कार्यालय धनुषाले जनाएको छ । आगलागी धनुषाधाम नगरपालिकाको बारुणयन्त्र, प्रहरी र स्थानीयको सहयोगमा नियन्त्रणमा आएको थियो ।पीडित परिवारले परिवारभित्रको विवादमा ज्वाइँले आगलागी गराएको आरोप लगाएका छन् । आगलागी विषयमा अनुसन्धान भइरहेको प्रहरीले जनाएको छ ।